Sekretari amerikan i Shtetit, Antony Blinken ka zhvilluar një bisedë telefonike me kryeministrin dhe ministrin e Jashtëm të Katarit, Al Thani, për sulmin e Iranit ndaj Izraelit.
Dy liderët, informon Departamenti i Shtetit i SHBA, nënvizuan "rëndësinë e një reagimi të koordinuar diplomatik dhe nevojën për të shmangur përshkallëzimin e mëtejshëm".
Shtetet e Bashkuara dhe Bashkimi Evropian po shqyrtojnë mundësinë për vendosjen e sanksioneve të reja ndaj Iranit.
“Pas sulmit të paprecedentë të Iranit ndaj Izraelit, Presidenti Biden u koordinua me aleatët dhe partnerët e G7 për të vendosur sanksione të reja”, tha këshilltari i Sigurisë Kombëtare i SHBA-së, Jake Sullivan.
Sekretarja e Thesarit e SHBA-së, Janet Yellen tha se ajo priste të ndërmerrte veprime "në ditët në vijim", ndërsa shefi i politikës së jashtme të BE-së Josep Borrell tha se blloku po punonte për këtë. Izraeli u ka kërkuar aleatëve të tij që të sanksionojnë programin raketor të Teheranit.
Sanksionet e SHBA dhe BE do të prekin veçanërisht programin e raketave dhe dronëve, entitetet që mbështesin Korpusin e Gardës Revolucionare Islamike dhe Ministrinë iraniane të Mbrojtjes.
“Shtetet e Bashkuara gjithashtu do të vazhdojnë të punojnë në të gjithë Departamentin e Mbrojtjes dhe Komandën Qendrore për të forcuar dhe zgjeruar më tej mbrojtjen ajrore dhe raketore në të gjithë Lindjen e Mesme" dhe nuk do të "ngurrojnë të ndërmarrin veprime, në koordinim me aleatët dhe partnerët në të gjithë botën për të kërkuar llogari nga qeveria iraniane për veprimet e saj të dëmshme dhe destabilizuese”, tha Sullivan.
Kabineti izraelit i luftës pritet të mblidhet sërish sot për të diskutuar nëse do ketë një kundërpërgjigje ndaj sulmit iranian.
Ushtria izraelite ka raportoi se 6 rezervistë janë plagosur rëndë nga raketat antitank dhe dronët e gjuajtur në drejtim të fshatit Arab al-Aramshe, në veri të Izraelit. Në total 18 persona raportohen të plagosur, ku prej tyre 13 janë ushtarë rezervë.
Gaza
Ministria e Shëndetësisë në Gaza, e cila udhëhiqet nga Hamas, ka bërë me dije ditën e sotme se 33,899 palestinezë janë vrarë në luftën me Izraelin, që ka nisur me 7 tetor të vitit 2023.
Po ashtu, ministria palestineze bën me dije se 76,664 të tjerë janë plagosur si pasojë e sulmeve të ashpra me Izraelin.
‘Dua të bëj të qartë, ne do të marrim vendimet tona dhe shteti i Izraelit do të bëjë gjithçka që është e nevojshme për t’u mbrojtur.’
Kështu deklaroi kryeministri izraelit Benjamin Netanyahu, duke përsëritur të drejtën për vetëmbrojtje pas sulmit Iranian.
Kreu i qeverisë izraelite u takua me ministrat e Jashtëm të Mbretërisë së Bashkuar dhe Gjermanisë, David Cameron dhe Annalena Baerbock, duke i falenderuar për mbështetjen e tyre ‘të paprecedentë’ në parandalimin e sulmit nga forcat e Teheranit.
Gjatë ditës së sotme një sulm me raketë ka ndodhur në një qendër komunitare në Arab al-Aramshe në Izraelin verior, pranë kufirit me Libanin.
Si pasojë e sulmit gjashtë persona mbetën të plagosur, ndërsa njëri prej tyre është në gjendje të rëndë.
Sipas raportimeve të agjencisë së lajmeve Times of Israel , sirenat paralajmëruese nuk u dëgjuan në fshatin beduin në Galilenë Perëndimore.
Komandanti i Forcave Ajrore të Ushtrisë Hamid Vahedi, tha gjatë paradës së Ushtrisë me rastin e Ditës Kombëtare të Ushtrisë se Irani është gati për të goditur armiqtë me avionë supersonikë rusë.
"Ne i këshillojmë armiqtë që të mos bëjnë gabime strategjike, sepse Irani është gati t'i godasë, veçanërisht me avionët luftarakë Sukhoi-24, bombardues taktikë supersonikë rusë.
Përveç Sukhoi-24, forca ajrore iraniane është e pajisur me mjete luftarake më të avancuara dhe është e gatshme t'u japë një goditje të tillë armiqve të saj që ata nuk do të jenë në gjendje ta kompensojnë”, tha ai.
Lajme të tjera
-
Emigranti me kancer fiton lotarinë 1.3 miliardë dollarë në SHBA, paratë i ndan me gruan dhe shokun: Iu luta Zotit për ndihmë
30 Prill, 15:36 -
Universiteti amerikan pezullon studentët protestues propalestinezë
30 Prill, 13:59 -
SHBA, tre pjesëtarë të forcave të rendit vriten në Karolinën e Veriut
30 Prill, 09:27 -
Lufta në Gaza/ Aprovohet plani për Rafah, 72 orë vendimtare! Delegacioni i Hamasit largohet nga Kajro, pritet përgjigja për armëpushim
30 Prill, 09:06 -
Macja ‘dërgohet’ me postë në Kaliforni
29 Prill, 10:47 -
Tornadot godasin SHBA, 5 viktima, mijëra familje pa energji
29 Prill, 10:42 -
Zelenskiy ripërsërit kërkesën për sisteme të mbrotjes ajrore 'Patriot'
29 Prill, 08:58 -
Vazhdojnë protestat pro-palestineze në universitetet amerikane
28 Prill, 22:55 -
Trump, Orban synojnë të drejtojnë lëvizjen konservatore ndërkombëtare
28 Prill, 20:35 -
Biden thumbon Trumpin në darkën e korrespondentëve të Shtëpisë së Bardhë
28 Prill, 16:07 -
Një në katër amerikanë thonë se nuk do të mund të dalin në pension
27 Prill, 21:53 -
FOTO/ Tornadot godasin SHBA-në, shkaktojnë dëme të mëdha
27 Prill, 18:44
