POP 5

Lajmet më të lexuara të 5 minutave të fundit

Sport

'Superliga me garë të egër por s'ka cilësi', Cungu: Vllaznisë i takon për të qenë kampione (VIDEO)

Vllaznisë i takon të jetë kampione këtë sezon. Kështu shprehet trajneri i futbollit Armando Cungu, i cili kujdeset të saktësojë se pavarësisht garës së madhe këtë sezon Superligës i mungon cilësia.

Trajneri i futbollit Armando Cungu thotë se Superliga e këtij sezoni ka shumë garë, por ndryshe nga vitet e tjera i mungon cilësia.

‘Ka mbetur dhe një fazë dhe gara, rivaliteti do jetë shumë i egër për titullin kampion. Mirëpo ky rivalitet nuk përkon me cilësinë. Në vitet e kaluara jemi mësuar që të kemi të paktën 2-3 ekipe që të bëjnë diferencë edhe në lojë. Këto ekipe këtë sezon nuk e bëjnë diçka të tillë,’-u shpreh ai. 

Cungu, që aktualisht drejton kombëtaren U-19 dhe që në të shkuarën ka qenë trajner i disa ekipeve në Superligë, thotë se Vllaznisë i takon për të qenë kampione këtë sezon.

‘Nuk kam thënë kurrë që Vllaznia duhet ta lejë kampionatin dhe të fokusohet të Kupa. Është e detyruar të provojë në të dyja kampet. Edhe dëshira nuk mungon për të thënë se Vllaznia më pëlqen dhe duhet të jetë kampion. Në fakt edhe i takon për të qenë kampion sepse ka bërë kampionat më të mirë se skuadrat e tjera,’-tha ai. 

Lidhur me diskutimin publik se kombëtaret e moshave kanë futbollistë  tejet të talentuar Cungu është skeptik.

‘Shpesh herë na edhe i hiperbolizojmë gjërat, talente është fjalë e madhe. Megjithatë janë lojtar me cilësi të mira që kanë aftësi, mundësi dhe dhunti për të luajtur futboll,’-deklaroi ai.

Në fund Cungu shprehet se pandemia e ka penguar të bëjë më të mirën te kombëtarja U-19.

‘Po merremi vetëm me kampionatin shqiptar për seleksionimet e kombëtares. Grumbullime brenda vendit. Nuk kemi mundësi për të kontaktuar apo për të bërë ftesa për lojtarët shqiptarë që luajnë jashtë vendit që nuk janë pak. Një pjesë e konsiderueshme aderojnë edhe në klube me emër të madh në futbollin europian,’-u shpreh Cungu.  

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu