‘Sylvinho pa eksperiencë por iu dha një shans i madh’, ish-trajneri i Partizanit Mehmeti: Skuka e meriton Seria A (VIDEO)

Ish-trajneri i Partizanit Dritan Mehmeti mendon se Sylvinho nuk ishte zgjedhja e duhur për të drejtuar kombëtaren. Për ‘Report TV’ Mehmeti saktëson se referuar potencialit që ka aktualisht kombëtarja është me rrezik që të drejtohet nga një trajner jo me eksperiencën e duhur, por gjithsesi nuk nguroi të uronte brazilianin për detyrën.

“Duke patur parasysh eskperiencën e Sylvinhos, nuk dua ta paragjykoj, por mendoj se i është dhënë një shans shumë i madh. Kjo referuar elementëve shumë të mirë në kombëtare. Koha do ta tregojë sa sa mirë do eci, por ka shumë pak eksperiencë si trajner i parë. Ka qenë shumë futbollist me vlera, por kjo s’do të thotë të jesh trajner i madh. Koha do ta tregojë,”-u shpreh ish-trajneri i Partizanit.

Një temë e gjërë diskutimi ishte edhe nëse trajneri i kombëtares duhet të jetë shqiptar apo jo. “Do isha entuziazt nëse trajneri do ishte shqiptar sepse edhe ne e kemi ngritur nivelin. Duhet që ai ish-lojtar shumë i madh i kombëtares të ketë edhe eskperiencën e madhe si trajner, sepse është ndryshe futbollist dhe ndryshe trajner.”

Objektivi i kombëtares dhe Sylvinho-s është që në 2024 kuqezinjtë të kualifikohen në Europian. Një arritje shumë e vështirë, por që për Mehmetin trajneri brazilian i ka mundësitë.

“Pa e paragjykuar grupin, sepse në futboll asgjë nuk është e lehtë, mendoj se i kemi shanset shumë të mira, duke parë kualitet e mëdha. Sylvinho duhet të fusë frymën e grupit dhe kiminë në skuadër. Ti marrë maksimumin lojtarëve sepse tani mendoj se mungon fryma e skuadrës,”-tha ai.

Një nga lojtarët shqiptarë më të kërkuar në merkaton e janarit është sulmuesi i Partizanit Xhuliano Skuka, i cili në janar të 2022 u mor me këmbënguljen e Mehmetit nga Dinamo. Tani 24-vjeçari është dëshira e disa klubeve në Seria A.

“Kënaqësi e veçantë sepse Skuka ka 1 vit te Partizani kur e morëm të panevojshëm nga Dinamo. Kam insistuar që ta marr te Partizani dhe sot është ky që është. Ai e ka potencialin të rritet dhe të shkojë në ekipe elitare. Dua ta shikoj në nivele të larta, por dua që të punojë fort në aspektin fiziko-taktik,”-tha Mehmeti.

Lidhur me pretendetët për të fituar Superligën trajneri tha se dëshira e tij është që t’ia dalë Partizani, por përveç Tiranës këmbënguli që edhe Vllaznia të merret seriozisht, pasi ka potencial për të ngritur titullin.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

‘Muri i kuq’, tifozët shqiptarë nisen drejt stadiumit në Dortmund për ndeshjen me Italinë

‘Muri i kuq’, tifozët shqiptarë nisen drejt stadiumit në Dortmund për ndeshjen me Italinë