Në vitin 2008, në disa seanca parlamentare radhazi shpërtheu një debat i ashpër mes kryeministrit të atëhershëm Sali Berisha dhe deputetëve socialistë në opozitë. Deputeti socilaist Taulant Balla akuzonte qeverinë lidhur me praninë dhjetëra kazinove dhe lojërave të fatit të palicencuara në Tiranë. Balla akuzoi qeverinë për mungesë kontrolli dhe favorizim të bizneseve të paligjshme, duke përmendur emra politikanësh të njohur si të lidhur me këtë aktivitet ku përfshiheshin edhe familjarë të kryeministrit. Në përgjigje, Berisha reagoi me tone të ashpra dhe kërcënime personale, duke i thënë Ballës se do t’i “bënte fytyrën si këpuca” nëse përmendte emrat e familjarëve të tij. Ky debat i tensionuar reflektoi përplasjet politike të kohës mbi korrupsionin dhe krimin e organizuar në vend. Tema sjell pjesë nga ky debat në parlamentine Shqipërisë në vitin 2008.
“Dhjetëra lokale me lojëra fati të palicencuara kanë shpërthyer, zoti Kryeministër, në të gjitha pjesët e Tiranës. Në qendër numërohen nja njëzet, nëpër rrugët që lidhin qendrën me periferinë mund të jenë edhe nja pesëdhjetë të tjera. Por, kur mundohesh të interesohesh për pjesën më të madhe të këtyre që po i quaj kazino ( në realitet duhet të jenë lojëra fati, sepse unë kam qenë kundër edhe ndaj asaj kazinoje që u hap këtu apo që u licencua nga Qeveria socialiste, me idenë se nuk kishim nevojë për një kazino në qendër të Tiranës, por ajo u miratua, u pranua edhe nga ju dhe vazhdon nga puna, por është i vetmi aktivitet tregtar në këtë fushë i licencuar, nga i cili shteti merr çdo vit dhjetëra miliona euro), del se ato janë nja pesëdhjetë apo gjashtëdhjetë në kohën e qeverisjes suaj, zoti Kryeministër. Sikur të punonte ministria e zotit Bode në mënyrë të rregullt, sigurisht që do të ishin të shumta paratë që do të mblidheshin nga këto kazino.
Ju do të thoni se nuk janë kazino, por njësi të lojërave të fatit. Jo, zoti Kryeministër, janë kazino, sepse në to përdoren të gjitha lojërat, të cilat nuk janë të lejuara të përdoren në to sipas licencës që kanë. Janë të licencuara për disa kompjutera, por në to luhen të gjitha lojërat me dorë. Po të shkoni në “Bllok”, mund të thotë dikush që kjo është e Shkëlzenit. Të them të drejtën, e pranoj se kjo mund të jetë një fjalë “Blloku” dhe unë e mirëkuptoj që nuk mund të jetë e djalit tuaj, por, ju lutem, shpjegojuni shqiptarëve që ajo kazino në qendër të “Bllokut” nuk mbrohet nga djali juaj.
Një kazino tjetër thuhet se është e Ridvan Bodes. Sigurisht, zoti Ministër, ndoshta nuk është juaja, por ajo nuk kontrollohet asnjëherë nga institucionet tatimore, ndaj ju lutem, shpjegojuni shqiptarëve pse ajo kazino nuk është juaja. Një njësi tjetër, përsëri lojëra fati, thonë se është e lidhur me Presidentin. E mirëkuptoj, nuk është e lidhur me Presidentin, por, ju lutem, shkoni dhe kontrollojeni, se mund të jetë vërtet ose jo e lidhur me Presidentin etj.
Nuk jam sot këtu për t’ju akuzuar. Kam kërkuar nga ministri i Financave interpelancë, por ajo që do të kërkoja që ju të shpreheshit, zoti Kryeministër, është që të përdorni kapacitetin tuaj si Kryeministër i vendit për të urdhëruar njësitë e Policisë Tatimore që të verifikojnë këto qindra kazino, sepse po ju them që çdo muaj shteti shqiptar humb për shkak të mungesës së kontrollit dhe evazionit të këtyre njësive të palicencuara 1 miliard lekë. Për banorët e zonës sime këto 1 miliard lekë janë dhjetë ujësjellësa.
Zoti Kryeministër, nëse këto njësi të palicencuara nuk do të jenë nën mbrojtjen tuaj, dhe unë shpresoj dhe mendoj se duhet të jetë kështu, të paktën hiqni emrin se kjo është e Shkëlzenit, kjo është e Ridvanit, kjo është e Bamirit apo e dikujt tjetër:, tha Balla në parlament.
Në përgjigje të tij, kryeministri Berisha reagoi me ashpërsi dhe me kërcënime:
“E para është se të gjitha njësitë paguajnë taksa. E dyta, “Regency Casino” ka të drejtë, sepse kanë tejkaluar lejen për të cilën janë autorizuar. Ai nuk ka hallin e taksave, por të rulotit. Se është pronar te ruloti.
Tani do të të them një gjë. Ti del këtu, je djalë i ri dhe lakon emra familjarësh. Ta dish mirë se unë ta bëj fytyrën si këpuca po të të lakoj emrat e familjarëve të tu. Dhe dije mirë se unë kam një durim. Por të jesh i bindur se mund të ta mbyll gojën në mënyrën më ekzemplare. Ky vend ka një Kushtetutë. Në Parlament nuk mund të shpifet. S’të thotë njeri ty këtu se në iks bordello janë kapur njerëzit e tu. As lidhjet e tua me kuplaratë nuk t’i thonë. Po të them se do të dalësh nga Parlamenti sa herë të shpifësh dhe në gjykatë do të shkosh sa herë të shpifësh. Çdo gjë ka një kufi. Ti tregon se ke edukatë kanalesh. Për shpifje ka Kushtetutë dhe ligje, unë nuk të konsideroj ty gazetar”, përgjigjej Berisha./TemA
Komente
Lajme të tjera
-
Ylli Pata: Si e humbi Shqipëria trenin e BE-së që i erdhi në stacion
26 Mars, 20:33
-
‘Absolutisht po, flet vetë!’ Rama ironizon Berishën për VIDEO-postimin, repin banal me ‘vrasje kallashi' e shoqëron me bëmat ndër vite të tij: Gërdeci, 21 Janari, 1997-a!
26 Mars, 20:23 -
Vrasjet e Haklajve në Tropojë, Ilir Demalia në Report Tv: Sali Berisha dha urdhër, SPAK ta nisë punën nga dosja ‘Gërdeci’ dhe ‘21 janari’, janë vrarë njerëz
26 Mars, 19:24 -
Taulant Balla: Mjaft më radhëve në porte dhe aeroporte! Duhet të marrim pasaportën Europiane
26 Mars, 17:59 -
Kreshnik Spahiu: Cili kryetar partie do japë dorëheqje më 12 maj?
26 Mars, 16:40
-
Programi për bujqësinë/ Berisha: Dalim nga Ballkani i Hapur! Rama ka gjetur Lulin, të vijë në debat televiziv
26 Mars, 14:24 -
Iu shmang seancës për masakrën e Gërdecit, Mediu sfidon drejtësinë nga Amerika me LaCivitan! Berisha: Po vjen 'sherifi' (VIDEO)
26 Mars, 11:40 -
Berisha entuziast për ftesën në festën e Greqisë: Takova priftërinj e deputetë
26 Mars, 07:54 -
‘Repolitix’/ Konomi: Politika s’e respekton Kodin e Etikës! Bashës i janë shtuar klikimet! Muça: Rama po projekton opozitën! Dhuli: Klikimet nuk sjellin vota
25 Mars, 21:29 -
Adriatik Doçi: Koalicioni i madhështorëve, Kujtim Gjuzi mori 2 vota si kandidat për deputet, përfytyroni si do ishte qeveria e Lapajt
25 Mars, 21:09
-
I terrorizuar nga izolimi ndërkombëtar, Berisha lajmëron shqiptarët se e ka ftuar Greqia në Festën Kombëtare!
25 Mars, 19:35 -
Ekskluzive/ Kallëzimi i dytë për Berishën në SPAK, familja Haklaj për Report Tv: Pse drejtësia nuk ka luajtuar as gishtin e vogël për këto vrasje?
25 Mars, 19:12
