Tabaku: Skemë piramidale që rrezikoi financat e shtetit

Kryetarja e Komisionit hetimor për inceneratorët, Jorida Tabaku e ka cilësuar  të gjithë skemën e inceneratorëve dhe krijimin e kompanive të ndryshme nga të njëjtin persona që janë në kërkim Klodian Zoto, Stela Gugallja dhe Mirel Mërtiri si skemë piramidale që rrezikon financat e shtetit.

Tabaku theksoi se janë krijuar kompani guaskë dhe kanë paguar veten duke krijuar kështu një monopol.

“Kanë paguar veten. Kjo është një skemë piramidale për të mbuluar ku shkojnë paratë. Kjo skemë piramidale pastrimi parash është duke marrë mbrojtje politike. Çfarë kemi prodhuar me dëshmitarë në grupin e administratorëve. Ky grup prej 10 personash kanë marrë përsipër, kanë krijuar kompani njëra pas tjetrës dhe kanë marrë përsipër që të marrin këtë koncesion 430 milion euro. Çfarë i ka penguar që të konkurronin me emrat e vërtetë të kompanisë. Kjo tregon që është krijuar një monopol. Kush ishte ministri i Ekonomisë, çfarë bëri sekretari i  përgjithshëm që kishim një monopol 430 milion euro. A e dini që Edi Rama ka frikë ti firmos vendimet i firmos gjithmonë zv.kryeministri. Por dhe nëse s’ka përgjegjësi ligjore, a mban ai përgjegjësi morale. Ka dalë në mbrojtje publike të këtyre kriminelëve në kërkim. Mban përgjegjësi Erion Veliaj për këtë”, tha Tabaku.

LEXO EDHE:
Amnistia, Basha: ‘Atentat’ ndaj drejtësisë, liruan të korruptuarit! Manja u kap me presh në duar duke gënjyer! Meta? Kartë e djegur

Grafiku i publikuar nga Jorida Tabaku, që tregon sipas saj skemën korruptive të pagesave të inceneratorëve

Lajmi kryesor:

Inceneratorët, Basha: Askush nuk ‘ngjyen gishtin’ pas shpinës së Ramës, i bëj thirrje të mos i bëjë presion SPAK! 3 socialistë në komisionin hetimor të përfshirë në aferë

/KT/Shqiptarja.com

TAG:
• Jorida Tabaku