Tiranë- Në mbledhjen e sotme (16 Dhjetor) të Komisionit të Ekonomisë dhe Financave, u diskutua edhe Akti Normativ, që i rikthen Profesionistëve të Lirë paratë që iu morën padrejtësisht nga taksa që u shpall më pas antikushtetuese.
Deputetja Jorida Tabaku, e cila ka propozuar pak javë më parë një propozim ligjor për rikthimin e këtyre parave, ka mbajtur një fjalë kritike lidhur me paratë e marra padrejtësisht nga Profesionistët e Lirë, pas shpalljes antikushtetuese të taksës nga Gjykata Kushtetuese.
Tabaku theksoi se ‘së bashku me Partisë Demokratike, ka luftuar për dy vite për të mbrojtur të drejtat e Profesionistëve të Lirë’, duke kundërshtuar një taksë që, sipas saj, ‘cenonte drejtësinë dhe barazinë’. Ajo vuri në pah se mazhoranca dhe Ministria e Financave u përpoqën të shpërfillnin vendimin e Gjykatës Kushtetuese, përmes zvarritjeve dhe shkresave të panevojshme.
“Akti Normativ është një hap i vonuar dhe vjen si rezultat i një vendimi të qartë të Gjykatës Kushtetuese, por edhe i presionit të një beteje të drejtë të Partisë Demokratike dhe Profesionistëve të Lirë. Ky vendim tregon se qeveria, ndonëse me vonesë, di të kthehet në binarët e ligjshmërisë”, u shpreh Tabaku.
Deputetja kritikoi gjithashtu sjelljen abuzive të qeverisë dhe Drejtorisë së Tatimeve, që vazhdoi të dërgonte njoftime dhe të mblidhte taksën e shpallur antikushtetuese, edhe pasi çështja po shqyrtohej nga Gjykata Kushtetuese.
“Nëse kjo taksë e padrejtë nuk do të ishte mbledhur, sot nuk do të nevojitej një Akt Normativ për të korrigjuar tre gabime të qeverisë: së pari, vendosjen e taksës; së dyti, shpërfilljen e vendimit të Gjykatës; dhe së fundmi, zvarritjen e tij”, deklaroi ajo.
Deputetja e PD vuri theksin edhe mbi rëndësinë e respektimit të vendimeve të institucioneve të pavarura dhe mbrojtjes së qytetarëve nga veprimet arbitrare të qeverisë.
Tabaku dakordësoi me mendimet e deputetëve që në Aktin Normativ të përfshihet anulimi i të gjitha gjobave dhe kamatëvonesave të aplikuara ndaj Profesionistëve të Lirë. Ajo e konsideroi këtë një hap të domosdoshëm për të rikthyer dinjitetin e tyre dhe për të garantuar respektimin e vendimeve të Gjykatës Kushtetuese.
“Ajo që ndodhi është një shembull i qartë i pabarazisë dhe pandershmërisë që qeveria përdor përmes ligjeve. Ligjet nuk mund të jenë barrë antikushtetuese për qytetarët, ” përfundoi Tabaku, duke vlerësuar qëndrimin e opozitës dhe bashkimin e Profesionistëve të Lirë në këtë betejë për drejtësi dhe barazi.
Ajo deklaroi se ndjehet krenare që kjo betejë dy vjeçare që bashkoi edhe Profesionistët e Lirë me opozitën në një kauzë mundi të përfundojë me sukses vetëm falë bashkimit në një qëllim të drejtë.
“Pabarazia dhe pandershmëria nuk mund të shpëtojnë pa u sfiduar në Gjykatën Kushtetuese, sepse një qeveri që përdor ligjet për të mbjellë pabarazi, nuk është qeveri e drejtë”, theksoi ligjvënësja demokrate.
Komente
Lajme të tjera
-
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Gjykata e Kushtetuese shtyn vendimin për Holta Zaçaj! I jep kohë kryetares të paraqesë opinionin e vet
16 Dhjetor, 14:13 -
Berisha i sulmon të gjithë: Blinken grusht shteti ndaj opozitës me Dumanin, Soros monstër, Lu dhe Vlahutin ushtarë të tij! Unë me një apartament, kreu i SKAP ka tre
16 Dhjetor, 13:02 -
Ylli Pata: Shkaku real i bllokimit të primareve dhe zgjedhjeve brenda PD
15 Dhjetor, 22:55
-
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Prej 3 vitesh 'non grata' nga SHBA, Berisha fantazon: Do heq vizat me Amerikën për të gjithë shqiptarët
15 Dhjetor, 18:43 -
Jorida Tabaku: Shumica nuk qeveris sipas barazisë përpara ligjit, Parlamenti nuk zbaton vendimet e Gjykatës Kushtetuese
15 Dhjetor, 10:21 -
‘Djali i kryebashkiakut Poliçan tenderë pa konkurrencë’, PD: Bashkitë Përmet, Dimal tender dhuratë djalit të ‘kolegut’
14 Dhjetor, 21:21 -
Eduard Zaloshnja: Ndoshta tek 35-vjetori i PD-së do të shkoj…
14 Dhjetor, 12:40
-
Investimet strategjike, PS kërkon shtyrjen e ligjit, Tabaku kundër: Dhuratë për të privilegjuarit, përbuz 95% të shqiptarëve
14 Dhjetor, 10:37 -
E paprecedentë/ Sali Berisha nxjerr 'live' foton e gruas së Altin Dumanit për të shantazhuar kreun e SPAK
13 Dhjetor, 22:56 -
Ylli Pata: Pse Sali Berisha po baltos Altin Dumanin?
13 Dhjetor, 21:52
falja ne cdo rast eshte miresi.POR si mudet te falen tatimet taksat apo kamatvonesat e atyre fitojne qindra milion leke <lobim apo????? >kur paga minimale 45000leke dhe pensionetne nje mase te madhe 15000 leke te reja. ?????????
Përgjigju