POP 5

Lajmet më të lexuara të 5 minutave të fundit

Kronikë

Tahiri: Policia kap kriminelët
drejtësia po i kthen në shoqëri

Një ditë pas deklaratave të ambasadorit amerikan në Tiranë, Donald Lu, i cili akuzoi drejtësinë për situatën e sigurisë në vend, Ministri i Brendshëm, Saimir Tahiri ka pranuar se situata është shqetësuese, pasi policia arreston kriminelë, ndërsa drejtësia i kthen në shoqëri. Në një deklaratë për mediat nga kryeministria, Tahiri konfirmoi vullnetin e Ministrisë së Brendshme për të vënë në jetë rekomandimet e progres-raportit të Komisionit Europian dhe tek kryerja e reformës në drejtësi, që sipas tij do të bëjë të mundur që puna e Policisë së Shtetit të mos shkojë dëm.  VIDEO
Një ditë pas deklaratave të ambasadorit amerikan në Tiranë, Donald Lu, i cili akuzoi drejtësinë për situatën e sigurisë në vend, Ministri i Brendshëm, Saimir Tahiri ka pranuar se situata është shqetësuese, pasi policia arreston kriminelë, ndërsa drejtësia i kthen në shoqëri. Në një deklaratë për mediat nga kryeministria, Tahiri konfirmoi vullnetin e Ministrisë së Brendshme për të vënë në jetë rekomandimet e progres-raportit të Komisionit Europian dhe tek kryerja e reformës në drejtësi, që sipas tij do të bëjë të mundur që puna e Policisë së Shtetit të mos shkojë dëm.

Ministri i Brendshëm, Saimir Tahiri duke folur për progres-raportin e Komisionit Evropian deklaroi se Policia e Shtetit ka arritur të shkatërrojë “mbi 99%” të parcelave me drogë. Tahiri tha se “nëpërmjet mbikëqyrjes ajrore kemi arritur të identifikojmë parcelat dhe të shkatërrojmë mbi 99% të tyre”, operacione të zhvilluara në bashkëpunim me Guardia di Finanza. Ministri nënvizoi se, në luftën kundër drogës “në dy vjet janë shkatërruar 1.3 milionë rrënjë kanabis. Dhe kjo është 46% më  shumë se 8 vjet të marra së bashku të qeverisë së mëparshme”. “Konkretisht raporti thotë se: në vitin 2014 janë shkatërruar 460% më shumë parcela kanabis sesa  në vitin 2013.

Dhe ndërkohë në 10 muajt e parë të vitit 2015 numri i bimëve të shkatërruara u rrit me 40% krahasuar me vitin 2014”, tha ministri. Ministri u shpreh gjithashtu se, në vitin 2015 është mbjellë 8 herë më pak drogë sesa në vitin 2013. Ai tha se në dy vjet, Policia e Shtetit ka bërë një punë të suksesshme për luftimin e botës financiare të krimit duke u hequr nga duart kriminelëve mbi 50 milionë euro. “Në 2 vjet kemi hequr nga duart e botës së krimit mbi 50 milion euro vetëm nga lufta e punonjësve të Policisë Shtetit nga asetet kriminale dhe pastrimit të parasë”-ka deklaruar Tahiri.

Hashashi
Saimir Tahiri duke folur për progres-raportin e Komisionit Evropian deklaroi se Policia e Shtetit ka arritur të shkatërrojë “mbi 99%” të parcelave të hashashit.
 


Redaksia Online
(f.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13