Mesazhe inkurajuese për Shqipërinë vijnë nga BE lidhur me zbatimin e reformës në drejtësi dhe ecurinë e procesit të reformave me qëllim çeljen e negociatave të anëtarësimit.
Në takimin e nivelit të lartë në Bruksel në kryesimin e kryetarit të Komitetit të Politikës së Jashtme David McAllister dhe komisionerit për Zgjerimin në BE, Johannes Hahn dhe me pjesëmarrjen e përfaqësuesve të maxhorancës dhe opozitës shqiptare, kanë dominuar mesazhet pozitive për implementimin e një prej reformave kyçe të Shqipërisë në rrugën e integrimit europian.
Nga delegacioni shqiptar në këtë takim marrin pjesë kreu i grupit parlamentar socialist, Taulant Balla dhe nënkryetarja e Kuvendit si përfaqësues të maxhorancës, ndërsa nga opozita Edmond Spaho, Fatmir Mediu, Klajda Gjosha.
Në tryezën e nivelit të lartë u diskutua për procesin e integrimit evropian të vendeve të Ballkanit Perëndimor, ndërsa vëmendje iu kushtua progresit të Shqipërisë. Komisioneri për Zgjerimin Johannes Hahn ka vlerësuar reformën në drejtësi, ndërsa është shprehur edhe lidhur me marrëveshjen mes Kosovës dhe Serbisë me synim gjetjen e një rrugëzgjidhje.
Shqipëria ka bërë progres në implementimin e reformës në drejtësi. Duam një marrëveshje mes Kosovës dhe Serbisë.
Johannes Hahn, komisioneri i BE për zgjerimin
Në këtë takim është theksuar gjithashtu se Shqipëria ka shënuar progres në përmbushjen e detyrimeve për çeljen e negociatave. "Shqipëria ka shënuar progres në përmbushjen e detyrimeve", thekson raporti i Komitetit për Punët e Jashtme, me raportues Knut Fleckenstein, paraqitur më datë 16 Tetor 2018.
Nga ky takim, maxhoranca, përmes kreut të grupit parlamentar socialist, Taulant Balla u shpreh e hapur për konsensus me opozitën, duke e ftuar këtë të fundit që të votojnë sëbashku Reformën Zgjedhore përpara festës së Krishtlindjeve.
Komente
Lajme të tjera
-
Baltosja pëtë shpëtuar Berishën e Metën, si u sulmuan Vlahutin, Mogherini, Fleckenstein e deri te Soreca
1 Korrik 2021, 09:52
-
Basha, bisedë online me komisionerin e BE, i kërkon ndihmë për ringritjen e Shqipërisë! Hahn: Mbështesim planin për trajnimin profesional
18 Mars 2021, 14:14 -
Ish-komisioneri i Zgjerimit Hahn: Miqtë e Ballkanit e kanë vendin në BE, por vijoni reformat
25 Maj 2020, 14:00 -
Veliaj: Kompani gjermane zgjedhin Tiranën për investime në teknologji! Fleckenstein: Impresionues zhvillimi i qytetit
23 Shkurt 2020, 14:07 -
Nesër mosbindja civile, Fleckenstein e Vlahutin në zyrën e Bashës
4 Prill 2018, 17:19
Shume fjale per asgje ,fjale qe perseriten e perseriten.Ca zvarriteni me kot dyerve te Brukselit . Ne pranvere jane zgjedhjet Europiane gjithka ndryshon o per mire o per keq .Keto qe thuhen ketu jane vetem fjale pa kurfare vlere u jan thene nje vit me pare.Ne qershor vendosin ose jo Kryeministrat dhe ministrat e jashtem te BE por cdo gje duhet pare pas zgjedhjeve Europiane se vet Europen mund ta mar lumi nese fitojne populistet.
Përgjigju