Sot në Uashington do të mbahet takimi i parë i Bordit të Paqes ku shtetet anëtare do të flasin për strategjitë dhe financimin e rindërtimit të Gazës.

Një pjesë e mirë e aleatëve perëndimorë të SHBA-ve kanë zgjedhur distancën, ndërsa disa vende të Lindjes së Mesme do të marrin pjesë në takimin që do të zhvillohet në Institutin e Paqes.

Trump është kritikuar për ftesat kundrejt Benjamin Netanyahut të Izraelit dhe Vladimir Putinit të Rusisë. Deri tani, vetëm Netanyahu e ka pranuar formalisht, megjithëse është indinjuar nga përfshirja e zyrtarëve nga Turqia e Katari në Bordin Ekzekutiv për Gazën.

Shtëpia e Bardhë ka ftuar 50 vende, 35 udhëheqës kanë shprehur interes, por deri më tani, 27 janë regjistruar.

Vendet që kanë pranuar ftesën janë: Shqipëria, Kosova, Armenia, Azerbajxhani, Argjentina, El Salvadori, Paraguaj, Pakistani, Indonezia, Kamboxhia, Bahreini, Uzbekistani, Kazakistani, Katari, (kryeministri, i cili është edhe ministër i jashtëm), Hungaria, Egjipti (kryeministri) dhe Vietnami. Në nivel ministror, ​​do të jenë të pranishme Jordania, Kuvajti, Emiratet e Bashkuara Arabe, Arabia Saudite, Maroku, Omani, Turqia, Bjellorusia dhe Izraeli. Bullgaria, e cila dëshiron të bashkohet me Bordin pas ratifikimit parlamentar, do të dërgojë një delegacion të udhëhequr nga Ivan Naydenov, sekretar i përhershëm i Ministrisë së Jashtme.

Vendet vëzhguese përfshijnë Italinë, të përfaqësuar nga Antonio Tajani, Qipron (Ministër i Jashtëm), Greqinë (Zëvendësministër i Jashtëm) dhe Rumaninë (Presidente); Ambasadori i Koresë së Jugut Yonghyon Kim; Ndihmësin Special të Japonisë për Ministrin e Jashtëm, Takeshi Okubo, përgjegjës për rindërtimin në Gaza; Ambasadorin e Holandës në Shtetet e Bashkuara; dhe Këshilltarin e Politikës së Jashtme të Polonisë.

Refuzimi ka ardhur së pari nga Komisioni Europian, më pas nga Vatikani, Zelanda e Re, Kroacia, Franca, Gjermania, Norvegjia, Suedia, Sllovenia, Mbretëria e Bashkuar, Meksika dhe Ukraina.

Australia shprehet se po e shqyrton ende ftesën.

Lista e plotë e pjesëmarrësve që do të priten në Institutin e Paqes:

  1. FIFA
  2. Bashkimi Europian
  3. Gjermania
  4. Koreja e Jugut
  5. Japonia
  6. Zvicra
  7. Polonia
  8. Bullgaria
  9. Norvegjia
  10. India
  11. Tajlanda
  12. Mbretëria e Bashkuar
  13. Finlanda
  14. Holanda
  15. Austria
  16. Meksika
  17. Mongolia
  18. Greqia
  19. Bjellorusia
  20. Kuvajti
  21. Izraeli
  22. Sllovakia
  23. Turqia
  24. Qipro
  25. Kroacia
  26. Omani
  27. El Salvador
  28. Arabia Saudite
  29. Maroku
  30. Republika Çeke
  31. Italia
  32. Jordania
  33. Emiratet e Bashkuara Arabe
  34. Kamboxhia
  35. Katari
  36. Armenia
  37. Shqipëria
  38. Hungaria
  39. Vietnami
  40. Rumania
  41. Indonezia
  42. Argjentina
  43. Paraguai
  44. Uzbekistani
  45. Kosova
  46. Kazakistani
  47. Azerbajxhani
  48. Bahreini
  49. Pakistani
  50. Egjipti