Nuk është ide e keqe. Kuptohet, kjo taksë nuk do të rëndojë mbi qytetarët dhe bizneset, por vetëm mbi bizneset private prodhuese të energjisë, që nuk ia shesin energjinë Korporatës Elektroenergjitike (KESH), por e shesin në tregun ndërkombëtar, me çmime gjashtë deri shtatë herë më të larta, nga sa e shisnin deri në gusht 2021.
Asgjë nuk ka ndryshuar në kostot e tyre të prodhimit të energjisë. Ka ndryshuar vetëm çmimi ndërkombëtar. Prandaj edhe një taksë e përkohshme e jashtëzakonshme mbi fitimet është mëse e udhës dhe e drejtë, duke ia kaluar paratë e taksës qytetarëve më në nevojë, si ndihme direkte në para. Po përse kjo taksë, që mund të jetë edhe 50 përqind mbi çmimin e sotëm të shitjes?
HEC-et që shesin energji jashtë
Hidrocentralet kryesore private që nuk shesin energji për nevojat e Shqipërisë, por e eksportojnë atë, mbi bazën e kontratave që kanë jashtë vendit tonë, janë:
Hidrocentrali i Moglicës
Hidrocentrali i Ashtës
1.Moglica, me kapacitet prodhimi 197 megavat-orë
2. Ashta, me kapacitet prodhimi 48.2 megavat-orë
3.Hidrocentralet e Ulzës, Shkopetit, si dhe dy hidrocentralet Bistrica 1 dhe Bistrica 2 (Këto hidrocentrale u shitën nga shteti ynë në qershor 2013. Ishte një fatkeqësi e madhe ekonomike kombëtare kjo shitje nga qeveria e asaj kohe e “katër pulave të florinjta” që vetëm prodhonin dhe jepnin të ardhura, pasi shpenzimet e mirëmbajtjes i kishin minimale! Të katër HEC-et u shitën për 110 milionë euro, kur vlera e tyre e tregut në atë kohë ishte mbi katërfish! Po t’i kishim sot ende shtetërore këto katër hidrocentrale, do të kishim importuar vetëm gjysmën e energjisë që u detyruam të importonin me çmime stratosferike në periudhën janar-shtator 2022, duke i kursyer buxhetit të shtetit 170 milionë euro.
Hidrocentrali Bistrica 1
Hidrocentrali i Ulzës
· Të katër hidrocentralet, realizonin së bashku në vitin 2012 32.7 milione euro të ardhura nga shitja e energjise KESH dhe 29.5 milionë euro neto fitim. Blerësi privat mundi brenda katër viteve të para të operimit që të shlyente të gjithë vlerën e blerjes!
· Zakonisht në Evropë dhe botë, kur shitet një hidrocentral, vlera e blerjes rekuperohet nga shitësi mesatarisht në 12-15 vjet pas shitjes
· Të katër HEC-et, po të mos ishin shitur, do të siguronin sot gjysmën e energjisë që detyrohemi të importojmë
Paratë që si qytetarë fitojmë nga taksa e jashtëzakonshme
Askush deri tani, asnjë ent i yni shtetëror (ERE jo e jo), nuk ka bërë publik energjinë e shitur jashtë vendit nga kompanitë private, prodhuese të mëdha të energjisë, që nga muaji shtator 2021 e deri tani në tetor 2022. Janë 13 muaj që energjia e prodhuar në Shqipëri, por e shitur jashtë vendit, u ka siguruar mbi 180 milionë euro të ardhura shtesë këtyre kompanive, për shkak të çmimit të shitjes mesatarisht 5-6 herë më të lartë se ai i gushtit 2021(79 euro/megavat-orë). Nga këto para fitim neto, shteti shqiptar dhe buxheti i tij nuk kanë përfituar asgjë.
Kjo nuk është e drejtë! Kompanitë private prodhuese të mëdha të energjisë elektrike në Shqipëri dhe që këtë energji e eksportojnë për qëllime fitimi jashtë Shqipërisë, këto fitime duhet t’i ndajnë gjysëm për gjysëm me shtetin shqiptar. Dhe kjo taksë e jashtëzakonshme për energjinë e prodhuar në vend, por shitur jashtë vendit nga privati, duhet të fillojë menjëherë të vilet, ndoshta që nga 1 nëntori 2022, pa humbur më kohë dhe të ardhura. Morali është i plotë, pse çdo euro e fituar nga kjo energji e shtrenjtuar nga lufta në Ukrainë, do të shkojë në ndihmë të familjeve tona të varfëra, të varfëruara sa më s’ka, pikërisht nga rritja e çmimeve të ushqimeve bazë, pikërisht për shkak të luftës në Ukrainë!
Komente
Lajme të tjera
-
Fatos Çoçoli: Viti i pagave dhe pensioneve
18 Dhjetor, 13:49
-
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Fatos Çoçoli: Vizitori i dhjetëmiliontë
11 Dhjetor, 18:28
-
Fatos Çoçoli: Pse është dyfishuar vlera e pronave në Akërni?
9 Dhjetor, 09:18
-
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Fatos Çoçoli: Rilindja e pensioneve?
21 Nëntor, 18:45
-
Fatos Çoçoli: Dy fitoret e para të mëdha për pensionistët
19 Nëntor, 20:05
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
1.5 milionë euro import në ditë, Kosova në krizë për energji ende pa hyrë në dimër
14 Nëntor, 19:00 -
Buxheti 2025, Teliti në Report Tv: Lë në baltë pensionistët dhe arsimin, ka rënie të investimeve publike! Eksperti i Ekonomisë: Viti më i mirë ekonomik që presim për vendin
13 Nëntor, 19:24 -
PD akuza ndaj qeverisë: Keni çuar në kolaps sektorin energjetik
13 Nëntor, 16:34
te hetohen te gjithe ata qe kane marre pjese ne proceduren e shitjes se ketyre HEC-eve e vodhen kete shtet dhe tani na japin mend .Kane ndonje pike cipe apo jo:(
PërgjigjuKy shtet i qelbet pasurit kombetare i shiti per qoka miqve dhe te afermeve I takon edi rames ti rishtezoj keto hodrocentrale
PërgjigjuJo 50% te fitimit, ato duhet t'u rikthehen shtetit, te RISHTETEZIHEN, vjedhje skansaloze, per 4 vjet i rikthyen bleresit leket, dhe tani o Sali shkaterrimtari dhe vrasesi i cdo gjeje ne jete vend, bleresi ka mbi 10 vjet qe vetem inkason leke ne financat e veta, dhe ne e blejme sa frengu pulen atje ku e shet ai. Keto te shohin qytetaret e t'i kerkojne qeverise e parlamentit te nxjerrin nje ligj te jashtezakonshem dhe te vehe haka tek i zoti. Ndersa ata qe bene kete vjedhje,sa me pare para ligjit.
Përgjigju