/ATSH/. - Talenti norvegjez, Martin Odegaard, po vazhdon "turin" e tij në klubet me te mira evropiane. Pasi u stërvit kohet e fundit  me Liverpoolin, Arsenalin e Bayern Munich, ai tani ka shkuar ne Spanje.

Odegaard do të stërvitet me skuadrën e Barcelonës, me ftesë të drejtorit sportiv, Andoni Zubizarreta, shkruan gazeta El Mundo Deportivo.
Odegaard cilësohet si talenti më i madh në botë, por Barcelona do ta ketë të vështirë të sigurojë shërbimet e tij. Për norvegjezin interesim kanë treguar gjigantët më të mëdhenj të futbollit botëror.