POP 5

Lajmet më të lexuara të 5 minutave të fundit

Politikë

Tapi dhe në Vlorë, Rama: Ndjekje
penale kujtdo që vë 1 tullë pa leje

Kryeministri Rama paralajmëroi nga Vlora sot se do të merren masa penale për të gjithë ata që do të ndërtojnë pa leje, për t’i dhënë kështu fund katrahurës së ndërtimeve vend e pavend.  VIDEO
Tapi dhe në Vlorë, Rama: Ndjekje<br />penale kujtdo që vë 1 tullë pa leje
VLORE -  Qeveria paralajmëron se do të marrë masa penale për të gjithë ata që do të ndërtojnë pa leje, për t’i dhënë kështu fund katraurës së ndërtimeve vend e pavend . Kjo u bë e ditur nga kryeministri Edi Rama nga qyteti bregdetar i Vlorës ku ka shpërndarë titujt e pronësisë falas, për ata që kanë ngritur shtëpi banimi pa leje.

“Ata që kanë ndërtuar pa leje dhe e kanë bërë këtë me sakrifica të mëdha, me kursimet e gjakut në emigracion, me kursimet e bukës së gojës këtu, në vend, për të strehuar familjen e tyre, do të legalizohen falas. Dhe ata që më pas do të guxojnë të vënë një tullë pa leje, do të ndiqen penalisht. Nuk mund të vazhdojë më kjo histori që është e pashembullt për Evropën dhe që e ka bërë Shqipërinë një vend ku “gjej një shesh e bëj një përshesh”, tha Rama.
 
Kreu i qeverisë u ndal poashtu tek abuzimet e bëra nga ana e ALUIZNIT me procesin e legalizimeve në qarkun e Vlorës sidomos përgjatë vijës bregdetare, vetëm për qëllime fitimi e korrupsioni duke shkatërruar imazhin e qytetit. 

“Janë legalizuar godina në asnjë mënyrë nuk duhet të legalizoheshin, të ndërtuara në mënyrë abuzive në bregdet, të ndërtuara duke iu marrë qytetarëve pjesët më të bukura të Vlorës dhe duke i marrë Vlorës fytyrën dhe ajrin. Janë legalizuar shtesa pallatesh apo ndërtime të tëra që nuk janë ndërtuar për të strehuar familjen, nuk janë ndërtuar as me paratë e kursyera nga buka e gojës, por janë ndërtuar për qëllime fitimi, për shitje, për tregti dhe për përfitime. Kjo është realisht një faqe e turpshme e një pushteti që kudo ku mundi rrënoi për të përfituar dhe përfitoi duke rrënuar”, - u shpreh kryeministri Rama.

Në qarkun e Vlorës janë bërë në vite rreth 25 mijë vetdeklarime dhe janë dhënë lejet e legalizimit për vetëm 2700 ndërtime. Ndërkohë qeveria e mëparshme, në 8 vjet, në rang vendi ka realizuar legalizime në masën 5-6 %, ndërsa në Vlorë ka legalizuar në masën 12 %, shumica dërmuese e të cilave janë legalizime problematike. Në këtë 12 % janë pallate në Sarandë, objekte në Parkun Kombëtar të Butrintit, objekte në bregdet e kështu me radhë.

LAME: NDERTIMET NE BREGDET NUK DUHESHIN LEGALIZUAR
Drejtori i Përgjithshëm i ALUIZNI-t, Artan Lame sqaroi se kjo shifër nuk ka të bëjë me legalizimin në zonat informale, por legalizimet që janë kryer në bregdetin e vendit, ku shumica e tyre nuk duheshin legalizuar. “Ky 12 % nuk është në këto zona, nuk është në zonën e “Fushës së Aviacionit”. Në këtë 12 % janë pallate në Sarandë, objekte në Parkun Kombëtar të Butrintit, objekte në bregdet e kështu me radhë. Kjo e shpjegon faktin pse Vlora ka më shumë legalizime”, u shpreh Lame.

RAMA: FAMILJET TE NDERGJEGJESOHEN PER TE PAGUAR DRITAT
Duke folur për procesin e legalizimit falas, Kryeministri sqaroi se krahas procesit falas për procedurat, dokumentacionin, etj., do të jetë falas edhe pjesa që ka të bëjë me penalitet, pasi shumë penalitete të vendosura për familjet tashmë janë hequr. Kryeministri i njohu qytetarët e pranishëm edhe me përfitimet që marrin në raste kur e kryejnë pagesën menjëherë se brenda 1 viti.Ndërkohë, me anë të këtij procesi legalizimi falas, po synohet edhe ndërgjegjësimi i familjeve për të kryer pagesën e energjisë elektrike. “Për ata që do të paguajnë, do të bëjmë edhe një ulje tjetër, që është një ulje prej 400 mijë lekë nga 4 milionët. Kush do paguajë menjëherë, do të ketë edhe një 400 mijë lekë që nuk do ta paguajë, por do ta ketë në hipotekë, si kufizim dhe do ta përdorë për të paguar energjinë elektrike. Dhe pas 2 vjetësh, mjafton që të tregojë faturat që ka paguar energjinë elektrike dhe e heq edhe këtë detyrim. Kjo, sepse ne nuk duam që për shkak të pamundësisë familjet në nevojë apo familjet që sidoqoftë kanë shpenzuar gjithçka për të bërë shtëpinë edhe janë në gjendje të vështirë, të përfundojnë në ndjekje penale dhe kryefamiljari të përfundojë në burg për vjedhje të energjisë. Se shumë shpejt do të hyjë në fuqi një masë e re në Kodin Penal që energjia nuk do të ndëshkohet më me gjobë, por do të ndëshkohet me burg”, theksoi Kryeministri.

Në përfundim të takimi, Kryeministri theksoi se procesi i legalizimit është edhe një proces shumë i rëndësishëm për ekonominë, për ekonominë familjare dhe për ekonominë kombëtare, pasi paratë e investuara për të ndërtuar shtëpinë kthehen si një kapital në funksion të familjes, e cila fiton fuqinë për të hyrë edhe në një marrëdhënie me bankat dhe për të zhvilluar më tej ekonominë familjare.  

Në këtë takim merrnin pjesë edhe Ministrja e Zhvillimit Urban dhe Turizmit znj. Eglantina Gjermeni, Prefektja e re e Qarkut të Vlorës dhe deputetë, të cilët shpërndanë lejet e legalizimit për disa familje në zona të ndryshme informale të Vlorës.

Redaksia Online
(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni