Cyber intelligence, TBS 96 në 'Open House Event 2022' në Tiranë

Kompania “TBS 96”, me një eksperiencë 30-vjeçare në fushën e broadcasting, telekomunikacionit dhe cyber intelligence solutions, organizoi këtë vit në Tiranë për të 9-tin vit panairin tashmë të kthyer në një traditë, me pjesëmarrjen e 34 kompanive lider në fushat përkatëse.

Secila nga kompanitë pjesëmarrëse prezantoi produktet me teknologjitë e avancuara inovative dhe bashkëkohore.

Panairi u organizua në 2 holle të veçanta, një për pjesëmarrësit e telekomunikacionit dhe broadcasting, ndërsa holli tjetër për zgjidhjet inteligjente të cyber security.

Për herë të parë u transmetua një demo live për transmetimet “DAB”, Digital Audio Broadcasting, me kanalet e radiove si më poshtë: Radio Klan, Radio Sol, Radio NRG etj.

Vlen të theksohet se gjatë eventit u zhvilluan diskutime të nivelit të lartë teknik ndërmjet inxhinierëve të radiotelevizioneve, stafit teknik të “TBS 96” dhe përfaqësuesve të kompanive pjesëmarrëse.

Gjithashtu pjesëmarrja në panair ishte shumë e madhe, përfshirë grupet e interesit, si dhe studentët e degëve elektronikë/telekomunikacion të disa nga universiteteve të Tiranës./KLAN

SI.E./xy/Shqiptarja.com

TAG:
• TBS 96
• teknologji