Sekretariati për Procedurat, Votimet dhe Etikën, për Vlerësimin ka miratuar kërkesën e një grupi prej 7 deputetësh të Partisë Socialiste, që kërkuan përjashtimin me 10 ditë të deputetëve, Edi Paloka dhe Bujar Leskaj. Sipas Partisë Socialiste kjo masë u kërkua për shkak të konsumit të pijeve alkoolike dhe të dy deputetët bënë veprime të pahijshme dhe përdorën një fjalor banal gjatë procesit të votimit.
Për përjashtimin e dy deputetëve të Rithemelimit, Sali Berisha tha në një dalje për mediat se opozita do të përgjigjet. Ish-kryeministri kërcënoi kryeparlamentaren Lindita Nikolla, dhe tha se e ka paralajmëruar se po e çon Kuvendin drejt zhvillimeve shumë të rënda e të paparashikueshme.
Kryeministri Edi Rama i cilësoi dje si 2 të dehur që shanë me libër shtëpie por ironizon duke shtuar se nuk bërtitën ‘Shtëpia në rrezik’ pasi harruan tekstin prej alkoolit. Ndërsa Edi Paloka e sfidoi Ramë që të bëjnë testin të dyja palët por me kushtin që kreu i qeverisë të bëjë atë të drogës. Deputeti demokrat e quan kryeministrit “palaço” dhe pretendon se masa e kërkuar nga grupi parlamentar i PS vjen pasi i dhanë përgjigjen e merituar Ramës gjatë një momenti kur seanca ishte ndërprerë.
Kujtojmë se debati i djeshëm nisi në momentin që do të kryhej votimi i buxhetit të vitit 2023. Seanca u ndërpre për t’i lënë kohë teknikës të përgatitej, dy deputetë të Partisë Demokratike, Edi Paloka dhe Bujar Leskaj janë konfliktuar me kryeministrin ne vendit Edi Rama. Garda e Republikës rrethoi foltoren e Kuvendit ndërsa kryeministri Rama ka komunikuar me kryetaren e Kuvendit Lindita Nikolla, i ka kërkuar përjashtimin e dy deputetëve të PD.
Ditën e djeshme në Kuvend ka pasur debate të forta mes kryeministrit Edi Rama dhe 2 deputetëve të PD-SË, Edi Paloka dhe Bujar Leskaj. Debati është zhvilluar gjatë seancës plenare, teksa deputetët po votonin, e ku nuk munguan akuzat për drogë dhe dehje.
Debati i plotë në seancën e djeshme
Edi Paloka-Ramës: A e ndërrove pjatën, e ndërrove pjatën.
Edi Rama: Ti je i pire, ik pi raki.
Bujar Leskaj ndërhyn edhe i flet Edi Palokës
Edi Rama: Bujar, po ti çfarë ke që flet, pse ndërhyn?
Bujar Leskaj-Edi Ramës: Po ti ç’ke që bën si i fortë?
Edi Rama: Pse të fola unë ty apo ti mua?
Bujar Leskaj: Siiiiii?
Edi Rama: Të fola unë ty apo ti mua?
Bujar Leskaj: Unë i fola Edit nuk të fola ty, se nuk më rruhet fare për ty
Edi Rama tund kokën dhe pi ujë
Bujar Leskaj: Ç’ma luan kokën. Pi mall të mirë, pi mall të mirë.
Edi Rama: Ik e ha ndonjë kërmë.
Bujar Leskaj: Kërma e satëme. Unë nuk e di se çfarë…
Edi Rama: Ta tregoj unë ty, do të shkatërroj. Ju jeni pa fe, pa atdhe
Paloka i afrohet Ramës, afrohen edhe efektivët e Gardës
Paloka: O legen kujt i bën presion ti. Ty të njeh e gjithë Tirana që je legen mo. O i pafytyrë, o b.q. se këta nuk të njohin ty, por unë të njoh shumë mirë se kush je.
Rama: Ju të dy jeni tapë po ikni që këtu.
Paloka: Jemi ne tapë? Po ti e ndërrove pjatën ti? E more vizën tjetër?
Rama: Ti je tapë edhe kur je mirë mo.
Rama- Nikollës: A ka mundësi të dalin jashtë këta të dy?
Bardhi: Po ti kush je ti që jep urdhra?
Deputeti demokrat Lefter Gështenja ka komenuar në Report Tv përjashtimin e dy deputetëve Edi Paloka dhe Bujar Leskaj për 10 ditë nga Kuvendi. Gështenja tha se deputetët nuk ishin të dehur, ndërsa për gjuhën e përdorur ai u shpreh se ofendime ka thënë edhe Rama, jo vetëm deputetët demokratë.
“Dua të sjell në vëmendje komunikimin dhe arrogancën e Ramës, ku duhej të diskutohej për buxhetin dhe projektligjin që u kërkua të futej me procedurë të përshpejtuar për portin e Durrësit. Deputetët e PD u treguan të kujdesshëm në atë se çfarë thanë. Askush nuk akuzoi se këtu po vidhet, thjesht u tha që nuk ka arsye pse të nxitohet dhe janë të gjitha arsyet që të mendojmë se është aferë ekonomike, u kërkua të vijë në një procedurë normale.
Kjo mazhorancë duhet të ndalojë të qetësohet edhe pse e ka me shumë nxitim. Se çfarë ka thënë opozita në këto 8 vjet kanë dalë. Kërkohet transparencë për këtë procedurë. Përderisa Rama nuk nxjerr mjaltë nga goja, nuk besoj se do marrë nga opozita. Është kryeministri i shqiptarëve.
Nuk bëhet fjalë për njerëz të dehur, Paloka dhe Leskaj. Leskaj ishte i ulur, ka patur komunikim me ofendime nga të gjitha palët”, tha Gështenja në Report Tv.
Sali Berisha ka kërcënuar se do të shkojnë drejt zhvillimeve të rënda të paparashikueshme, për përjashtimin e dy deputetëve të PD-së Edi Paloka dhe Bujar Leskaj, të cilët ishin të dehur në Kuvend. Berisha tha se ata do të përgjigjen!
‘Të gjitha raste më takon të vetëpërmbahem në qëndrimet. Nuk mund të kaloj disa standarde. Unë i kam thënë asaj se do e çosh parlamentin drejt zhvillimeve shumë të rënda të paparashikueshme ajo është viktimë e Ramës. As nuk kemi marrë dhe as nuk do të marrim asnjë nismë. Ajo veten dëmton. Përjashtimi i dy deputetëve është një akt jashtëzakonisht i rëndë. Ju garantoj se opozita do i përgjigjet sepse nga një anë ke një njeri, me një fjalor stër-ordiner, sa herë vjen në parlament. Ai thotë fjalë që mua që jam aty, më vjen turp për ato zonja, se ato janë nëna, janë bashkëshorte, janë vajza, që ulin kokën e nuk thonë një fjalë.Por ne do i përgjigjemi. Unë i them se do përgjigjemi. Koha do e tregojë. Ne nuk mposhtemi. Ata që mendojnë se do na mposhtin me fjalor rrugaçi, gabohen. Ne e konsiderojmë detyrë që të shkojmë në atë parlament. Por nuk ka gjë më të vështirë që të shkosh në parlament dhe të përdorësh atë gjuhë prej rrugaçi ordiner përpara gjithë shqiptarëve.’- tha Berisha.
Komente
Lajme të tjera
-
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11
Kjo eshte fytyra e PDse! Veç dijne te shajne e te fyejne kedo! Kjo parti ka mbledhur njerez mete degjeneruar,femij komunistash si puna e ketyre maskarejve & spiunesh pa karakter pa nder familje.
PërgjigjuHahahaha te medhenj.....
PërgjigjuE vet Edvin shkjau shqipfolës përdor Kokain që i duket krejt normale dhe nuk di as qfar thotë e as qfar shan ky rrugaq tradhtar
PërgjigjuPUUUU shi si jane keto tape topi dhe populli i shkon nga mbrapa me protesta.....si puna e ures qe u prish tek shqiponja ne tirane sepse se kishin vjedhur keta monstrat dhe e prishen sa erdhen ne pushtet,tani prap kete kerkojne qe te prishin kete investim kolosal...me u be ky plan e dine shume mire qe i humbin zgjedhjet dhe per 20 vjet....puuu ca mallistash duan vetem te vjedhin edhe vjedhin
Përgjigjupse nuk ibehet testi droges
Përgjigjuja ku ka perfunduar albanistani , njerezit po ikin perdite me mijera drejt vendeve te be dhe usa , ne kete ven do mbese ilir meta sali berisha eedi ram gjithashtu te shoqeruer nga bithleprsit e tyre
PërgjigjuHall të madh e ka zene mirditoren kryekuvendare,te dyja palet e nderkryera qe u perplasen ne kuvend jane humbëse edhe dy "të pirët" nga alkooli po edhe kryesociopatikryeminister jane shembuj te politqenërisë kuvendare dhe politike shqiptare. Kjo eshte rraca politike shqiptare postkomuniste 32 vjeçare, me e degjeneruara e dheut arberor.
Përgjigju