Jo rrallë herë, Gjykata e Strasburgut ka thyer vendimet e gjykatave shqiptare, madje edhe të Kushtetueses duke penalizuar shtetin shqiptar. Shkeljet janë veçanërisht në drejtim të së drejtës së pronës private tha Holta Zaçaj, Kryetare e Gjykatës Kushtetuese.
“Në jo pak raste Gjykata Evropiane për të Drejtat e Njeriut ka gjetur shkelje në procedurat tona të brendshme, duke përcaktuar detyrimin e shtetit shqiptar për marrjen e masave të nevojshme për korrigjimin e tyre. Ne menyre konkrete, përmes vendimeve të saj kjo Gjykate mund të vendosë ndaj shtetit marrjen e masave me karakter të përgjithshëm, ose me karakter individual, ose të të dyja masave së bashku.
Masat me karakter te pergjithshem jane vendosur kryesisht në rastet e konstatimit të shkeljeve sistematike të të drejtave themelore, veçanërisht në drejtim të së drejtës së pronës private dhe GjEDNJ ka vendosur detyrimin e shtetit shqiptar për miratimin e ndryshimeve në legjislacion. Ndërsa për disa nga këto çështje shteti shqiptar ka marrë masat e duhura, ka ende çështje të tjera qe vazhdojnë të mbeten në vëmendjen e Komitetit të Ministrave të Këshillit të Evropës. Ndonëse GjEDNJ ka gjetur shkelje në një numër të konsiderueshëm çështjesh ndaj shtetit shqiptar, në disa raste riparimi i shkeljes ka kërkuar rihapjen e procedurave nga gjykatat e zakonshme kurse në disa të tjera edhe në Gjykatën Kushtetuese.
Numri i kërkesave të paraqitura në Gjykatën Kushtetuese në këtë drejtim ka qenë i ulët, vetëm 8 kërkesa, për 5 prej të cilave Gjykata është shprehur me vendim përfundimtar. Ndërkohë, 1 kërkesë e vitit 2024) ka kaluar për shqyrtim në seancë dhe po pritet shqyrtimi i saj”
Shkeljen e të drejtave të njeriut nga organet e drejtësisë shqiptare të vëna në fokusin e vendimeve të Gjykatës së Strasburgut e pranon edhe ministri i Drejtësisë Ulsi Manja i cili tha se nga 2020 janë 101 vendime të GJEDNJ-së kundër Shqipërisë.
“Në tërësinë e vendimeve të GJEDNJ-së ndaj Shqipërisë, dëshiroj të veçoj ato në fushën e kompensimit të pronave, duke qenë se jo më larg se viti i kaluar, me nismën e Ministrisë së Drejtësisë u ndryshua ligji për trajtimin e pronës dhe përfundimin e procesit të pronave, pikërisht në zbatim të vendimit Beshiri kundër Shqipërisë. Në përputhje të plotë me qëndrimin e Gjykatës mbi këtë çështje, Shqipëria mori masat për të garantuar trajtimin e drejtë dhe në përputhje me standardet ndërkombëtare të subjekteve ish pronarë.
Me qëllim përforcimin e mbrojtjes së të drejtave, Ministria e Drejtësisë ka hartuar për herë të parë Strategjinë për Viktimat e Krimit që synon të ofrojë një kuadër strategjik të plotë për mbrojtjen e qytetarëve si dhe zgjerimin e nocionit të viktimës së krimit sipas standardeve më të mira Evropiane, miratuar nga Këshilli i Ministrave në dhjetor 2023.
Këto deklarata u dhanë në nënkomisionin për Zbatimin e Vendimeve të Gjykatës Evropiane të të Drejtave të Njeriut, i cili organizohet nga Kuvendi i Shqipërisë në bashkëpunim me Asamblenë Parlamentare të Këshillit të Europës.
Lajme të tjera
-
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Gjykata e Kushtetuese shtyn vendimin për Holta Zaçaj! I jep kohë kryetares të paraqesë opinionin e vet
16 Dhjetor, 14:13 -
Përplasja për mandatin e Zaçajt, Logu në Report Tv: Ka prapavijë politike, grusht shteti! Kara: E nxitur nga Berisha! Avokati: PS-PD janë bërë bashkë
13 Dhjetor, 18:30 -
'87 milionë euro nga BE nëse plotësojmë detyrat e 2025!' Manja: Mbyllim kapitujt në 2028! Procesi më tej politik
13 Dhjetor, 15:35
-
Berisha nuk heq dorë nga skenaret e dhunës, nxit emigrantët: Gjuani me vezë dhe domate punonjësit e ambasadave shqiptare
13 Dhjetor, 14:13 -
Tërhiqet Zaçaj, kërkon deklarimin e përfundimit të mandatit, s’ka vendim në Mbledhjen e Gjyqtarëve! Sulmon Gjykatën e Lartë: Tejkaloi kompetencat, e paprecedentë
12 Dhjetor, 17:57 -
Kreshnik Spahiu: Pse janë bashkuar qeveri-opozitë, për heqjen e Kryetares Gjykatës Kushtetuese?
11 Dhjetor, 14:40
-
Gjykata Kushtetuese/ Kryetarja Holta Zaçaj refuzon të lërë mandatin, i drejtohet Venecias, Gjykata e Lartë nis procedurat e zëvendësimit të saj
11 Dhjetor, 09:13 -
Gjykata Kushtetuese, kryetarja përplaset me Gjykatën e Lartë/ Zaçaj angazhon 'Venecian' kërkon përgjigjen e 4 pyetjeve! Gjykata e Lartë nis procedurat për zëvendësimin e saj (DOKUMENT)
11 Dhjetor, 07:54
