POP 5

Lajmet më të lexuara të 5 minutave të fundit

Politikë

Të enjten mblidhet 'Zgjedhorja', mazhoranca kërkesë PD: Sillni përfaqësues! Kushtet e Bashës, kapriço dhe të pabaza

Komisioni i Reformës Zgjedhore pranon që PD të ketë një përfaqësues në nivel teknik në mbledhjen e radhës. Anëtari i këtij komisioni, Alket Hyseni për Report Tv ka zbardhur gjithë ecurinë e komisionit për reformën zgjedhore pas tryezës plot debate të zhvilluar nga OSBE.

TIRANË- Komisioni i Reformës Zgjedhore kërkon që opozita jo parlamentare të ketë një përfaqësues në nivel teknik në mbledhjen që do të zhvillohet ditën e enjte në Kuvend. Kjo kërkesë është bërë nga deputeti i PS, Alket Hyseni, njëkohësisht anëtar i komisionit për reformën zgjedhore, por edhe nga bashkëkryetarët e reformës zgjedhore. Në një intervistë për Report TV, Hyseni zbardh ecurinë e këtij komisioni, pas tryezës gjithëpërfshirëse të thirrur nga prezenca e OSBE në Tiranë.

“Në tryezë ne kemi menduar të merret opinioni sa më i gjerë. Te faktori politik futet dhe opozita jo parlamentare, madje ka qenë kërkesë edhe e kryetarit të komisionit të Reformës Zgjedhore, që opozita jo parlamentare të ketë përfaqësues”, tha Hyseni.

Hyseni i është përgjigjur edhe Lulzim Bashës pas këmbënguljes për kushtet e vendosura ndaj shumicës për Reformën Zgjedhore dhe zgjidhjen e krizës politike. Për mazhorancën, këto kushte janë kaprico dhe ultimatume të pabaza, të cilat pasohen me goditje të forta.

 “Ultimatumet e tilla nuk vlejnë më. Ftoj liderin e opozitës së rrugës të heqë dorë nga ultimatumet se e ka vërtetuar që nuk vlejnë. Duhet të kuptojë që kapriçot e marrin goditjen si në të kaluarën, ashtu do e marrë përsëri”, shtoi ai.

Përveç kushtit për largimin e Gjiknurit nga drejtimi i Komisionit për Reformën Zgjedhore tashmë opozita joparlamentare kërkon edhe largimin e Rudina Hajdarit si përfaqësuese e opozitës së re nga bashkëdrejtimi i këtij komisioni, një kusht që për mazhorancën është i papranueshëm dhe i pamundur të realizohet.

“Kërkesa e tyre për riformatim të komisionin është e papranueshme dhe nuk mund të merret në konsideratë sepse është dhe praktikisht e pa realizueshme, çfardo të bisedohet në tryezë”,u shpreh për Report Tv, Hyseni.

Ditën e enjte do të mblidhet Komisioni për Reformën Zgjedhore. Kjo mbledhje vjen pas tryezës së thirrur nga OSBE, ku e pranishme ishte edhe opozita parlamentare, në të cilën propozoi ngritjen e një strukture të posaçme edhe me prani ndërkombëtare për këtë reformë, por që hasi kundërshtinë e mazhorancës si përgjigje.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 09/10/2019 09:59

    Tani nuk ju pëlqen z. Rudina njashtu sikur e babai i saj dikur, që ua futi frikën komunistëvet të posa zhveshur nga petku i stalinizmit. Kur nuk mundën t’a trembën Azemin duke e shantazhuar ia bën kurthin dhe i dha plumbin sali tradhëtari

    Përgjigju
  • kacaku: 08/10/2019 19:44

    Akoma me ate shpellarin meret qeveria ,aty eshtd opozita e re cdoni me fundurinat.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu