POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Bullgur me mish viçi dhe Zupë

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Bullgur me mish viçi 

Përbërësit:

1 lugë gjelle gjalp

2 lugë gjelle vaj ulliri

300 gr tul viçi (në minikubikë)

1 qepë

2 thelpinj hudhër

2 speca jeshil

1 lugë gjelle salcë

2 gota bullgur

1 lugë gjelle trumzë

½ lugë çaji nenexhik

Kripë dhe piper I zi

4 gota ujë ose lëng mishi

1 domate në kubikë të vegjël

Përgatitja:

Shkrijmë gjalpin dhe vajin dhe kavardisim mishin e prerë në minikubikë derisa të marrë pak ngjyrë. Shtojmë qepën të prerë imët dhe I kavardisim së bashku derisa qepa të zbutet, hudhrat e prera imët, specat në kubikë dhe vazhdojmë përzierjen duke shtuar 1 lugë gjelle salcë. Shtojmë bullgurin dhe e skuqim pak me përbërësit e tjerë dhe para se të shtojmë ujin shtojmë erëzat e tjera, I trazojmë duke shtuar ujin e nxehtë ose lëng mishi, e trazojmë bullgurin, I vendosim kapakun dhe I lëmë të ziejë për 15 minuta në temperaturë mesatare. Pas 5 minutash shtojmë tulin e domates (jo lëngun), të prerë në kubikë të vegjël, e lëmë të ziejë dhe për 10 minuta të tjera e më pas e largojmë, I vendosim tenxheres një picetë e më pas kapakun, e lëmë kështu dhe 15 minuta sa të qetësohet e më pas e shërbejmë të ngrohtë.

Zupa

Përbërësit:

1 litër qumësht

4 të verdha veze

2 lugë gjelle niseshte

2 lugë gjelle miell

4 lugë gjelle sheqer

Vanilje

4 lugë gjelle arra të grira

4 lugë çaji liker

1 lugë gjelle kakao

4 lugë gjelle reçel

10 biskota savoiard

Përgatitja:

Vendosim qumështin për tu ngrohur dhe lëmë mënjëanë një gotë me qumësht të ftohtë. Në një tas rrahim të verdhat e vezëve me sheqerin, miellin, niseshten, qumështin e ftohtë  dhe I përziejmë mirë. Kur të ngrohet qumështi, i shtojmë në tenxheren me qumësht dhe I trazojmë me tel dore. Shtojmë vaniljen dhe sa të marrë valë, e largojmë.

Ndajmë pak krem që ërgatitëm dhe e përziejmë më një lugë gjelle kakao.

Vendosim në fillim të çdo tasi pk krem të bardhë.
Njohmim biskotat me liker ose shurup portokalli dhe I vendosim mbi krem. Shtojmë 1 lugë gjelle reçel ose rrush të thatë dhe pak arra të copëtuara, I mbulojmë më krem. Mund të vendosim dhe pak krem të përzierë me kakao dhe në fund mbushim tasat. I lëmë të ftohen dhe mund t’I dekorojmë me pak krem panna ose thjesht me arra të copëtuara. I ftohim dy orë në frigorifer dhe më pas I shërbejmë.

 

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16