POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Byrek me qepë të njoma e djathë dhe Krem portokalli me biskota (në gotë)

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Byrek me qepë të njoma dhe djath  

Përbërësit:

1 pako peta

1 kg qepë të njoma

1 kopër

1 majdanoz

1 nenexhik

300 gr djath ose gjizë

200 gr krem kosi

3+1 kokrra vezë

125 ml ujë te gazuar

1 lç pluhur pjekës

vaj 100 ml

kripë

Përgatitja:

Qërojmë qepët, i lajmë dhe i presim në unaza 0.5 cm. I vendosim qepët e njoma në një tigan pa yndyrë me 1 filxhan ujë të zier me pak fare kripë. Kur të shterojë uji shtojmë 2 lugë vaj ulliri dhe i kaurdisim sa të zbuten pak. Më pas i lemë mënjëanë të ftohen.

Në një tas vendosim gjizën, kremin e kosit, vezët, qepët e njoma, vajin e ullirit, kripën dhe erëzat sipas preferencës. I trazojmë të gjithë përbërësit dhe në fund shtojmë ujin e gazuar.

Lyejmë tepsinë me pak vaj ose gjalpë dhe shtrojmë 2 petë. Ruajmë një petë për në fund, ndërsa petët e tjera i copëtojmë me dorë. Mbi petët e shtruara spërkasim pak përzierje me gjizë, vezë dhe qepë. Mbi mbushje shpërndajmë copëza petash, përseri vendosim mbushje me gjizë dhe qepë. Kështu alternojmë shtresa, por mund t’i vendosim dhe të gjitha copëzat e petave në tasin me gjizë dhe qepë. I përziejmë dhe i shtrojmë mbi bazën e petës që kemi vendosur në tavë. E mbulojmë në fund me petën e plotë që hoqëm mënjanë. Mbledhim anët dhe e vendosim byrekun të piqet në furrë në temperaturën 200 gradë Celsius për 35-40 minuta.

Byrek me qepë të njoma e djathë

Receta e dytë: Krem portokalli me biskota (në gotë)

Përbërësit:

500 ml qumësht

80 gr sheqer

4 të verdha veze

50 gr niseshte

200 ml lëng portokalli

1 lk lëkure portokalli

200 gr biskota me kakao

Përgatitja:

Vendosim 400 ml qumësht në tenxhere që të ngrohet. Shtojmë në të gjysmën e sheqerit. Në një tas përziejmë vezët, gjysmën e sheqerit të mbetur dhe i përziejmë mirë duke shtuar më pas niseshtenë. Shtojmë qumështin dhe i trazojmë mirë deri sa të bëhet një masë homogjene. Kur qumështi të jetë ngrohur shtojmë përbërësit që treten në tas (vezë, sheqer, niseshte, qumësht) dhe i trazojmë për 3-4 minuta deri sa kremi të trashet dhe të fillojë të fluskojë. Shtojmë lëkurën e portokallit, dhe shtojmë gradualisht lëngun duke e përzier me tel vezësh. Sapo të fluskojë e largojmë.

Në katër gota fillimisht vendoism pak krem, një hstresë biskota të thërrmuara, sërish krem e më pas biskota të thërmuara. Përsëri e m,byllim me krem porrtokalli. Në fund mund të dekorojmë me krem pana dhe çokollatë të thërrmuar.

Krem portokalli me biskota (në gotë)

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

18 Dhjetor, 20:44