POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Pastiçe me djathë e beshamel dhe Fërgesë me patëllxhanë

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Pastiçe me djathë dhe beshamel

Përbërësit:

400 gr makarona

4 kokrra vezë

200 gr djathë i bardhë

1 litër qumësht

Kripë

Gjalp

2 lugë gjelle vaj ulliri

Beshameli

50 gr gjalp

2 lugë gjelle miell

400 ml qumësht

Kripë

Arrëmoskat

50 gr djathë kaçkavall

Përgatitja:

Vendosim një tenxhere me ujë të bollshëm për të valuar. Shtojmë kripën dhe më pas makaronat. I lëmë të ziejnë për 2-3 minuta më pak nga minutazhi i shkruar në etiketë.

Ndërkohë në një tigan shkrijmë gjalpin dhe kavardisim miellin derisa të ziejë në gjalp. E shuajmë me qumësht duke e trazuar me tel derisa beshameli të ziejë. E largojmë dhe e rregullojmë shijen me kripë dhe arrëmoskat.

Rrahim vezët, shtojmë 2 lugë gjelle vaj ulliri, qumështin, djathin dhe kripën. Lyejmë tepsinë me gjalp, kullojmë dhe vendosim makaronat në tavë duke i niveluar ato në të gjithë sipërfaqen. Shtojmë mbi makaronat qumështin me vezë dhe djathë, rregullojmë dhe nivelojmë djathin duke shtuar sipër beshamelin.

Grijmë në fund pak djathë kaçkavall dhe e vendosim në furrë në temperaturë 200 gradë Celsius, për 25 minuta.

Fërgesë me patëllxhanë

Përbërësit:

1 kg patëllxhanë

Vaj Olim për skuqje

1 kokërr hudhër

4 qepë mesatare

1 spec i kuq

3 speca jeshil

1 lugë çaji salcë

1 kg domate

Kripë dhe piper i zi

1 lugë çaji nenexhik

Majdanoz

Përgatitja:

Pastrojmë patëllxhanët duke i qëruar ata nga lëkura në rripa, një segment e qërojmë dhe një jo, më pas i presim në feta. I spërkatim me pak kripë dhe i lëmë për 15 minuta. Më pas i thajmë me picetë ose letër kuzhine dhe i skuqim sa të zverdhen pak. Përsëri i vendosim në letër kuzhine për t’I larguar yndyrën e tepërt. Ngrohim vajin e ullirit dhe shtojmë në të hudhrat e qëruara për 30 sekonda dhe i largojmë. Qërojmë dhe presim qepën në katërsh e më pas e presim atë në fije.

Kavardisim qepën derisa të jetë bërë transparente. Shtojmë specat dhe vazhdojmë përzierjen derisa të zbutet.

Shtojmë salcën, hudhrat e skuqura, domatet e qëruara në kubikë, kripë, nenexhik dhe domaten dhe e lëmë të gatuhet për 10 minuta.Marrim një tavë dhe shtojmë 3-4 lugë gjelle salcë nga ajo që gatuam dhe e hapim në të gjithë sipërfaqen e tavës. E mbulojmë domaten me feta patëllxhani dhe shtojmë sërish salcën e domates. Kështu veprojmë deri në fund duke llogaritur që të mbyllet me salcën. Në fund shtojmë ½ gotë uji të nxehtë dhe e vendosim përsëri në zjarr të ulët që të marrë një valë. Më pas e  heqim dhe e shërbëjmë.

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03