Të gatuajmë me zonjën Vjollca/ Zhuljeta nga Pogradeci fiton quizin "Sa kushton receta?"

Qumështor me petë

Përbërësit:

1 pako peta

100 gr gjalp

100 gr miell

1.2 litër qumësht

4.5-5 lugë gjelle sheqer

Vanilje

4 kokrra vezë

50 ml vaj Olim

Përgatitja:

Shkrijmë gjalpin dhe kavardisim miellin për 3 minuta. Shtojmë qumështin e ngrohtë dhe e përziejmë me tel dore derisa masa të jetë kremoze, shtojmë sheqer, vanilje dhe e lëmë derisa kremi të marrë valë. E largojmë dhe e lëmë t’i bjerë temperatura për 5 minuta. Rrahim vezët dhe i shtojmë në krem derisa të formohet një masë homogjene dhe i përziejmë me tel dore.

Lyejmë një tepsi me vaj ose vaj trazuar me gjalp. Shtojmë fillimisht 2 petë, i spërkasim me yndyrë. Vazhdojmë dy nga dy, duke i spërkatur petët. Pasi kemi shtruar 6-7 petë si bazë, shtojmë kremin e qumështorit, duke e niveluar në mes.

Mbulojmë përsëri në 4-5 petë mbi të, duke i spërkatur lehtë me vaj. Në fund mbledhim anët, spërkatim petën e fundit me pak vaj ose gjalp dhe vendosim qumështorin të piqet në temperaturën 190-200 gradë Celsius për 25 minuta. Më pas e lëmë të ftohet plotësisht. E presim dhe e servirim.

 

Lakër turshi me suxhuk

Përbërësit:

350 gr suxhuk

2 qepë mesatare

1 karrotë

1 lugë çaji piper i kuq

150 gr domate në kuti

1.2 lakër turshi

1 mollë jeshile

6-8 kajsi të thata

Kripë dhe piper i zi

Majdanoz i thatë

Vaj ulliri

Përgatitja:

Në një tenxhere me pak vaj skuqim suxhukun të prerë në rrathë ose sipas preferencës suaj.  E lëmë sa të marrë pak ngjyrë dhe të lëshojë yndyrën e tij. E largojmë në një pjatë.Shtojmë qepën të grirë hollë, e kavardisim derisa të bëhet transparente, shtojmë karrotën të prerë në copa, majdanoz, piper të kuq, i përziejmë për 30 sekonda, shtojmë domaten, lakrën turshi, të cilën e kemi prerë në copëza dhe e kemi shpëlarë nga kripa e tepërt. E përziejmë dhe sapo të marrë një valë shtojmë mollën e qëruar dhe të prerë në copëza, kajsitë e thata të prera përgjysmë, kripë, piper i zi dhe i lëmë të gjithë përbërësit të marrin dhe një valë. Shohim nivelim e ujit që nxjerr lakra, nuk duhet të jetë mbi nivelin e lakrës. Mbyllim kapakun dhe e lëmë lakrën të ziejë për 10 minuta. Shtojmë suxhukun, e përziejmë dhe ulim temperaturën në nivel mesatar. E lëmë dhe për 15 minuta të tjera, derisa lakra të jetë zierë plotësisht.

D.M./r.k./Shqiptarja.com

TAG:
• rrezedielli
• qumeshtor me pete
• zonjavjollca
• Lakër turshi me suxhuk
• sa kushton receta