POP 5

Lajmet më të lexuara të 5 minutave të fundit

Politikë

Lajme nga emisionet

Të hënën mbledhja e përbashkët Shqipëri-Mali i Zi, Report Tv zbardh disa prej marrëveshjeve! Nga njohja e pensioneve te hapja e pikës së re kufitare

Ditën e hënë do të mbahet mbledhja e përbashkët mes qeverisë shqiptare dhe asaj të Malit të Zi, ku do të nënshkruhen 11 marrëveshje mes dy vendeve. Këshilltarja e kryeministrit Oderta Barbullushi zbuloi në Report Tv disa prej marrëveshjeve që do të nënshkruhen, të cilat do të jenë në fushën e energjisë, infrastrukturës, ekonomisë e rinisë.

Këtë të hënë (27 shkurt) do të mbahet mbledhja e përbashkët mes qeverisë shqiptare dhe asaj të Malit të Zi, ku do të nënshkruhen 11 marrëveshje mes dy vendeve. Këshilltarja e kryeministrit Oderta Barbullushi zbuloi në Report Tv disa prej marrëveshjeve që do të nënshkruhen, të cilat do të jenë në fushën e energjisë, infrastrukturës, ekonomisë e rinisë. Në emisionin ‘Studio Live’ me gazetarin Arbër Hitaj, Barbullushi tha se një ndër marrëveshjet më të rëndësishme do të jetë ajo për sigurimet shoqërore, njohja e pensioneve mes dy vendeve.

Një vëmendje të madhe do të marrë edhe projekti për ndërtimin e urës mbi lumin Bunë, që dy qeveritë do të nënshkruajnë një marrëveshje. Projekti që do të nënshkruhet për ndërtimin e urës pritet që ta kthejë këtë në një zonë të përbashkët turistike, pasi do të lidhë Velipojën me pjesën tjetër të bregut në Malin e Zi.

Në mbledhjen e qeverisë do të nënshkruhet edhe marrëveshja që do t’i hapë rrugë ndërtimit të pikës së re kufitare mes Shqipërisë dhe Malit të Zi. Kjo pikë kufitare do të hapet pranë Ulqinit dhe Velipojës, në zonën midis Sveti Nikola (Mal i Zi) dhe Pulaj (Shqipëri) dhe do të lehtësojë lëvizjen e qytetarëve mes dy vendeve.

"Nënvizon bashkëpunim e thelluar mes dy vendeve dhe është në vazhdim të kuadrit për bashkim  e vendosur më mbledhjen e parë të përbashkët në vitin 2018. Ne vendosim edhe shtyllat e bashkëpunimit, në fushën ekonomike, infrastrukturën, energjinë, ndërlidhjen më të mirë të vendeve tona, marrëveshjet që do nënvizojmë të hënën janë për këto fusha.

Janë rreth 11 marrëveshje, në fusha të ndryshme, që nga fusha e bujqësisë deri tek fusha e mbrojtjes, në fushën e energjisë, do kemi marrëveshje në fushën e rinisë. Do veçoja dy ose tre që kanë rëndësi të veçantë dhe impakti të menjëhershëm. Marrëveshja për sigurimet shoqërore, është shumë e rëndësishme, ka një lloj kostoje financiare nga ana e qeverive. Dy marrëveshje të tjera që i shoh me rëndësi janë marrëveshja për ndërtimin e urës mbi lumin Bunë, që do lidh Velipojën me bregun tjetër dhe shpresojmë t’i japë një hov zhvillimor, mund të kthehet në një zonë të përbashkët turistike, marrëveshja për hapjen e kalimit kufitar të Pulajt", tha Barbullushi. 

Kjo është mbledhja e dytë që zhvillohet mes qeverive të dy vendeve. Mbledhja do të zhvillohet në Podgoricë në ambientet e Akademisë Malazeze të Shkencave dhe Arteve. Mbledhja do të nisë në orën 09:00 të mëngjesit dhe di të zgjasë deri pasdite. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça