Tri jetë ikën sot në pak sekonda në një fshat të Dibrës: vëllai vrau vëllanë e nipin, dhe më pas veten. Policia, media, do të raportojë si për të disatën herë "për motive të dobëta", siç quhen grindjet familjare që përfundojnë në tragjedi. Në nisje të grindjes mund të jetë çdo gjë: prona, pasuria, xhelozia, apo të tjera çështje që shqetësojnë dhe kanë hedhur në kaos familjet shqiptare prej vitesh. E megjithatë, cilido qoftë shkaku i nisjes së konfliktit, mbrumjen e tij me shijen dhe rrugën e të keqes mund ta ketë bërë vetëm ajo, e pandara nga ligjërimet private dhe publike: doza e urrejtjes.
Urrejtja, e përzier me zili është një ndjenjë që shumë shqiptarë e ushtrojnë në të gjitha shtresat dhe nga të gjitha zonat nga ku vijnë. Në të shumtën e rasteve urrejtja ka si lëndë të parë injorancën dhe të pavërtetën dhe mbi to ngre kështjella dhune që përfundojnë siç zakonisht e dimë.
Urrejtja, para epokës së social mediave, gatuhej në tiganë të vegjël, brenda shtëpive, ndërmarrjeve, partisë, ndërsa tani ka shpërthyer kudo e ndaj kujtdo; që nga gardhet më të largëta të periferive shqiptare, në institucione, në politikë, televizione, mes asaj që formalisht quhet elitë.
Duket një shaka të luajmë sot me urrejtjen: dikush e ka bërë gati profesion, është bërë mjeshtër i përzgjedhjes së lëndës së parë, gënjeshtrës, për të ndërtuar mbi të një industri të së keqes që prek këdo që ka imunitet të brishtë.
Të infektuarit me urrejtje mund të kenë pamjen e kujtdo: të një kamarieri që gabon porosinë dhe nuk e pranon gabimin e tij, të një fatorinoje që kërcënon vetëm se i kërkon biletën që pagove, të një mjeku që nuk i bindesh të shkosh e të kurohesh në klinikën private të tij, të një shitëseje që nuk të jep kuponin pas një blerjeje, të një kolegu me të cilin nuk ndan, thjeshtë, të njëjtin mendim, të një shoku që thjesht refuzove duke i thënëse nuk mund të jetë asgjë më shumë se një mik. Ja, urrejtja ushqehet me këto raste banale për të rëalizuar më pas tragjedinë. Dhe ne vazhdojmë të bëjmë shaka, vazhdojmë të luajmë nëpër televizione, rrjete sociale, në politikë me këtë instikt të rrezikshëm, primitiv.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
-
Epilogu i një sezoni/Kur një tropojan bën makaronat më të mira në bregdet
6 Shtator 2021, 16:32
-
Jeta na mësoi të dallojmë një gjyq demode' popullor, nga debati me fakte e logjikë
3 Shtator 2021, 09:17
-
Nuk mund të zhduket një energji si ajo e PD. Eshtë vetëm fillimi i transformimit…
29 Gusht 2021, 12:17
Na shkretuan Alba ! :( Gjysherit tane aq te mire edhe pse nuk bene asnje krim i perdhosen por ata nuk guxuan kurre te largohen nga ky vend i bukur ! dhe kur ju a moren te gjitha dhe kur i burgosen e i persekutuan, ata prape na bekuan me te miren e me shpresen !! Edhe kur erdhi demokracia ashtu si erdhi, si rifitim gjoja vlerash nerzore, kush kish ngelur nga e kaluara kriminal prap nuk u derzua. Perseri na bekuan me jeten e me vlerat e jetes. Duke falu, prindet tane bene femijet e tyre ketu ! Na bene neve !! E meqe prinderit tane na linden ketu dhe ne beme cmos qe ti lindim femijet tane ketu ! Me shprese qe do jetojne e do ndertojne jetet e tyre ! Por ehhh :( Sot duket si perralle e hidhur ! Te rinjte nuk guxojne me te lindin femije ketu !! :(. Alba, di te kthesh ndonje pergjigje ? Di te me thuash dicka qe ja vlen, qe mund ti jape shprese qofte dhe nje nene qe do te rrise akoma femijet e saje ketu ? :(
Përgjigju