POP 5

Lajmet më të lexuara të 5 minutave të fundit

Sport

Të mërkurën Superliga, drejtori i Vllaznisë: Tani të gjithë skuadrat luajnë shumë të motivuara kundër nesh (VIDEO)

Vllaznia e cila po bën një sezon të mrekullueshëm të mërkurën do të luajë kundër Bylisit për javën e 15 të Superligës. Sakaq po nesër do të luhen edhe 3 ndeshje të tjera, ndërsa të enjten është derbi Partizani-Tirana.

Të mërkurën në orën 13:45 do të luhen 4 nga 5 ndeshjet e javës së 15 të Superligës. Vllaznia, e cila është edhe kryesuesja e kampionatit me 9 pikë më shumë se ndjekësit, do të luajë në transfertë kundër Bylisit.

Marko Djarmati, drejtor i Vllaznisë: “Tani çdo ndeshje kundër Vllaznisë, e dinë se luajnë kundër kryesuesve edhe japin më shumë se ç’bëjnë zakonisht.”

Erdenis Gurishta, futbollist i Vllaznisë: “Nuk duhet parë klasifikimi, sepse Bylis është shumë i fortë dhe shumë agresiv në fushën e vet. Normalisht nuk është ajo skuadër e sezonit të kaluar, por në fushën e vet janë shumë agresiv. Ne do t’i përgjigjemi me të njëjtën mënyrë.”

Ndërkohë Teuta e vendit të tretë do të përballet me Kastriotin. Durrsakëve nuk u lejohet asnjë hap fals, në rast se duan të luftojnë për titullin.

Edi Martini, trajner i Teutës: “Është një ndeshje shumë e fortë. E pashë Kastriotin në ndeshjen që luajti me Tiranën dhe ishte e barbartë në fushë. Kishte rastet e veta dhe mund të kalonte në epërsi. Është një ekip I fortë, që ka grintë në çdo repart të fushës.”

Sakaq te Kastrioti qajnë mungesat e shumta, të cilat sipas trajnerit kanë ndikuar në rezultat.

Ramazan Ndreu, trajner i Kastriotit: “Presim këtë javë që në ndeshjen me Durrësin, por edhe me Vllazninë që të na rikthehen lojtarët dhe të jemi në formën më të mirë. Jemi një skuadër e brishtë dhe nëse na mungojnë 3-4 lojtarë nuk e kemi kontigjentin e duhur për t’i përballuar, aq më tepër në këtë ngjeshje kampionati.”

Dy ndeshjet e tjera të mërkurën do të jenë Apolonia-Kukësi dhe Laçi-Skënderbeu, ndërsa të enjten është derbi Partizani-Tirana.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Padi kundër platformës Linkedin, akuzohet se ka përdorur mesazhe private për të trajnuar Inteligjencën Artificiale

Padi kundër platformës Linkedin, akuzohet se ka përdorur mesazhe private për të trajnuar Inteligjencën Artificiale

23 Janar, 08:02