POP 5

Lajmet më të lexuara të 5 minutave të fundit

Bota

Të përballesh me vdekjen, historia se si bandat brutale shqiptare u rritën duke dominuar trafikun e kokainës në Mbretërinë e Bashkuar

Bandat shqiptare kontrabandojnë dërgesa të mëdha të kokainës direkt nga Evropa duke ndryshuar fytyrën e tregut të drogës në Mbretërinë e Bashkuar

Të përballesh me vdekjen, historia se si bandat brutale shqiptare u rritën duke dominuar trafikun e kokainës në Mbretërinë e Bashkuar

E përditshmja “The Sun”, në një artikull të hollësishëm të saj, shkruan për historinë se si bandat brutale shqiptare u rritën duke dominuar trafikun e kokainës dhe duke zgjeruar rrjetin e prostitucionit në Mbretërinë e Bashkuar.

Në shkrimin e saj, gazeta ka listuar dhjetra emra eksponentësh të botës së krimit me origjinë shqiptare që cilësohen si tejet të rrezikshëm.

Po sipas “The Sun”, sot në Britani, droga është më e lirë dhe më e pastër, kjo fal bandave shqiptare që kanë zaptuar ndër vite industrinë britanike të kokainës.

“The Sun” shkruan se në fund të viteve ‘90 mes mijra shqiptarëve që zbarkuan në Britani, shumë prej tyre u paraqitën si shqiptarë të Kosovës dhe duke përfituar nga kjo  nisën punë për të drejtuar dhe dominuar trafikun e drogës dhe prostitucionit.

E përditshmja britanike gjithashtu liston disa prej emrave dhe fotografitë e tyre.

Në fotografi Olsi Behluli me 240,000 paund. I dënuar me 11 vjet burg në vitin 2015

Albert Memia, me nofkën “Diti”, i dënuar me 12 vjet burg, pjesë e një bande shqiptaro-kosovare, e cila importoi 1.2 milion paundë kokainë drejt Skocisë.

Luan Plakici, i burgosur në vitin 2003 me akuzën e trafikimit të 1 milionë paund

Klodjan Copja, I dënuar me 17 vjet burgim në vitin 2017, “koka” e një grupi që posedonte 60 milion paund drogë në perëndim të Londrës.

Tristen Asllani, 29 vjeç, anëtar i bandës “Hellbanianz”, i dënuar me 25 vite burg, pasi u kap me 21 kg kokainë, një pistoletë “Skorpion” dhe 6 milion paund

Arben Dumani, nga Kosova, Memi dhe Gjergj Pjetri u burgosën në Glasgow për furnizim të niveleve të larta me kokainë

Erald Mema, 33 vjeç, u dënua me 25 vjet burg në muajin tetor si kreu i një bande që shiste kokainë të “pastërtisë së lartë”. Ai u kap me 560,000 paund para të thata dhe 10 kg kokainë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vflp: 08/07/2019 15:20

    Edhe burgjet ne angli jane koker me koker ditet ska sjellje mire apo e keqe del thinjosh nese svdes gjate burgimit.Mos flasim per sapunin dhe shampon qe ta hedh zezaku ke kombet me bo sparkaten.

    Përgjigju
    • lnd: 10/07/2019 22:28

      Naj cunit mamit ia bo zezaku po kto tipa ia bojn zezakut ik i her informohu mir pst flit ku ka pidhnone qe e shkel shqipen

    • Toni: 09/07/2019 11:30

      A i ke provu kto gjona ti o shoku qe po flet me kaq siguri. Ik futi noj pjat grosh qe te ka ba plaka dhe mer dymijlekshin qe te ka lan babi prr kafe los u merr me pun te renda.

  • PPSH: 08/07/2019 14:00

    Mir tju bahete se keni desh demokracin. Dhe keni kritiku politiken e digtatures ne shqipnin . Tash bashi qef me shqiptaret e lir.

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Certifikimi i zgjedhjeve në Kosovë, analistja për Report Tv: Shpresoj që liderët të jenë të matur! Kurti të ketë kujdes me afatet kohore, do të ishte fatkeqësi për vendin

Certifikimi i zgjedhjeve në Kosovë, analistja për Report Tv: Shpresoj që liderët të jenë të matur! Kurti të ketë kujdes me afatet kohore, do të ishte fatkeqësi për vendin

28 Mars, 13:47