SHKODËR- Renaldo Kola, 29-vjeç ka mbetur i plagosur si pasojë e të shtënave me armë zjarri pasditen e sotme (8 shtator) rreth orës 17:50 në fshatin Golem në Shkodër.
Në kërkim si autor i ngjarjes kriminale është shpallur Mario Kroni, i cili pasi ka qëlluar është larguar nga vendi i ngjarjes.
Burime për gazetarin e Report Tv Sokol Dema bëjnë me dije se konflikti ka ndodhur për shkak të prishjeve të pazareve të kanabisit. Dyshohet se autori e ka pasur konfliktin me vëllain e 29-vjeçarit që mbeti i plagosur.
![](https://shqiptarja.com/template/img/NO_ALFA_Kuadrate shqiptarja.png)
'Rreth orës 17:50, në fshatin "Golem", dyshohet se shtetasi M. K., ka plagosur me armë zjarri shtetasin R. K., 29 vjeç, banues në fshatin Golem. Shërbimet e Policisë kanë shkuar menjëherë në vendngjarje dhe vijojnë kontrollin në zonë për kapjen e autorit. Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.'- njofton policia.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)