POP 5

Lajmet më të lexuara të 5 minutave të fundit

Kultura

Teatri i Operas me piano të re, performojnë në të Margarita Kristidhi dhe vogëlushja Kristel! Restaurohen edhe dy pianot e tjera

Pas apelit të violinistit Tedi Papavrami në Report tv, Ministria e Kulturës, mban premtimin dhe sjell në “Opera” një piano të re. “Steinway&Sons” u përurua sot përmes një performance nga pianistja Margarita Kristidhi, dhe vogëlushja Kristel.  Po ashtu janë restauruar edhe dy piano të tjera, për një kosto totale prej  244,520 eurosh

Teatri i Operas me piano të re, performojnë në të Margarita Kristidhi dhe vogëlushja Kristel! Restaurohen edhe dy pianot e tjera

Margarita Kristidhi duke performuar ne pianon e re

Nga sot Teatri i Operas ka një piano të re për shfaqje. Është përuruar përmes një performance të pianistes Margarita Kristidhi, si dhe në mënyrë simbolike për të përfshirë edhe brezat më  të rinj, nga nxënësja e shkollës 9-vjeçare "Servete Maçi", Kristel Xhafka.

Ministria e Kulturës ka garantuar, për koston 184, 240 euro një model D-274 Piano të Madhe “Steinëay & Sons” (shoqëruar me 4 stola, pedale harmonike, mbulesë mbrojtëse, set akordimi profesional, pianoplan për transportin horizontal dhe vertikal në shkallë). Ka qenë pianistja Elda Laro që ka  përzgjedhur pianon në Hamburg për Ministrinë.  

Prej dekadash në Teatër shfaqje me peshë luheshin me një piano të vjetër (1989) Steiway & Sons. Ishte shqiptari i njohur, violinisti Tedi Papavrami që në qershor të këtij viti, gjatë një interviste për Report tv, vuri në dukje një nga problematikat e Operës se sapo rikonstruktuar: amortizimin e instrumenteve.

“Është vërtetë një sallë me vlerë që mund të bësh në kondita shumë të mirë muzikë, përveç pianos, që ka një problem që është goxha e shkatërruar, edhe pse është një pianoje e një marke shumë të mirë, ose ka nevojë për një riparim të tërë të thellë, ose për një instrument të ri. Kjo do të ishte për koncertet instrumentale një nevojë, vërtetë!”, u shpreh Papavrami.

Pas këtij apeli, ministria  e Kulturës Elva Margariti premtoi që do të angazhohej për blerjen e një pianoje të re, dhe restaurimin e instrumenteve të tjerë.  Dhe në fakt, bashkë me blerjen e pianos së re ka nisur puna. Është restauruar pianoja e vjetër  (Steinway & Sons, 1989) si dhe të pianos “Yamaha”, prodhim i 1988 në Japoni. Restaurimet shkojnë në vlerën  23,000 euro. Kostoja totale për blerjen dhe restaurimet është në vlerën 244,520 euro.

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

25 Dhjetor, 18:45