POP 5

Lajmet më të lexuara të 5 minutave të fundit

Kronikë

Temperaturat e larta, zjarrfikësit e Vlorës në gatishmëri: Problem bllokimi i rrugëve, policia të na mbështesë

Qyteti i Vlorës dhe shërbimi i zjarrfikës në këtë qark ka marrë masat që ky sezon të kalojë pa dëme, përsa u përket situatës së zjarreve.

Temperaturat e larta dhe moti i thatë këto ditë Gushti ka vënë në gatishmëri të lartë repartin zjarrfikës në Vlorë. Nisur nga fakti që vitet e kaluar kanë pasur një situatë të zjarreve mjaft të përhapur, këtë vit sipas drejtorit të zjarrfikëseve në Vlorë, janë marrë masa dhe janë vendosur pika të reja, të cilat monitorojnë zjarrin në këtë qark.

Fatmir Numani është shprehur se shërbim 24 orësh është vënë në pikat që presupozohet që janë më rrisk më të madh, si Llogora dhe pylli i Sodës.

Drejtoria e Zjarrfikses ka kaluar në gatishmëri nga 1 korriku e në vazhdim, është gatishmëri me personel të garantuar. Gjithashtu për ti paraprirë çdo lloj të keqe, kemi nxjerrë dy makina stacioneve provizore, një në parkun Llogora, dhe një në pyllin e Sodës. Aktualisht në gatishmëri janë të pestë makinat dhe gjithë efektivi i zjarrfikëses.

Fatmir Numani, Drejtor i Zjarrfikseve Vlorë

Por më shqetësuese mbetet situata brenda qytetit, ku si pasojë e parkimit të makinave vend e pavend, bllokohen rrugët e për pasojë edhe vonesat në vatrën e zjarrit.

Problemi i vetëm që hasin forcat e zjarrfikëses në qytet, është vetëm bllokimi i rrugëve. Me gjithë bashkëpunimin që kemi me policinë prap e kemi të domosdoshme që policia të na mbështesë më mirë kur dëgjon sirenat e zjarrfikses. Kur zjarret janë masive një drejtori nuk mund të arrijë ta realizojë fikjen e saj, prandaj është dhe bashkëpunimi me forcat e tjera dhe institucionet e tjera.

Fatmir Numani, Drejtor i Zjarrfikseve Vlorë

Vitin e kaluar, por edhe vitet e tjera situata e zjarreve ka qenë mjaft problematike sa i përket ndërhyrjes në kohë, kjo për shkak edhe të amortizimit të makinerive që përdorin forcat zjarrfikëse në mbarë vendin. Përveç Tiranës, në pjesën tjetër të vendit makineritë zjarrfikse janë të viteve 80, ndoshta edhe më të vjetra.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

24 Nëntor, 15:07 nga Sokol Dema