Rektori i Universitetit Bujqësor në Kamëz Bahri Musabelliu dhe dy zv/rektorët e këtij universiteti Sulejman Sulçe dhe Remzi Keco, janë në verifikim në një dosje penale të nisur nga prokuroria e Tiranës.
“Shqiptarja.com” mëson se prokuroria e Tiranës ka nisur hetimet për procedurën e lëvrimit të një fondi prej 640 mijë dollarë, me qëllim ndërtimin e një murri rrethues dhe një porte. Dosja penale është rregjistruar për akuzën e “Shpërdorimit të detyrës” dhe “Pastrimit të produkteve të veprës penale”. Ndërsa personat që janë objekt i këtij hetimi janë tre emrat e sipërcituar në këtë shkrim.
Pritet që në ditët në vijim prokuroria e Tiranës të sekuestrojë të gjithë praktikën tenderuese në Agjensinë e Prokurimit Publik, ndërkohë do thërasë për të dëshmuar lidhur me këtë çështje Bahri Musabelliun dhe dy zv/rektorët Sulejman Sullçe dhe Remzi Keco.
Njëherësh në pyetje do meren dhe përfaqësues të kompanive pjesëmarëse në këtë tender.
Sipas dokumentave zyrtare nga Agjencia e Prokurimit Publik, tenderi për ndërtimin e murit rrethues të UBT është zhvilluar në 21 qershor të vitit të kaluar dhe fondi limit i përcaktuar ishte 62.7 milionë lekë ose gjysme milion euro pa përfshirë Tatimin mbi Vlerën e Shtuar.
Në tender kanë marrë pjesë gjithsej 8 kompani. Por UBT, në cilësinë e autoritetit kontraktor nuk ka shpallur fituese as ofertën e parë më të ulët, as 4 të tjerat pas saj, por ja ka dhënë tenderin kompanisë “Shpresa sh.p.k”, e cila për nga oferta ekonomike ishte renditur e gjashta.
Sipas APP, oferta më e ulët në tenderin për ndërtimin e murit rrethues të Universitetit të Kamzës është dhënë nga kompania Viante Konstruksion me vlerë 421 mijë dollarë. Pas kësaj kompanie janë renditur katër të tjera me oferta nga 450-500 mijë dollarë, por edhe këto janë skualifikuar ashtu si e para.
UBT ka shpallur fituese kompaninë “Shpresa sh.p.k”, e renditur në vendin e gjashtë e cila ka ofruar një cmim prej gjysme milion euro pa TVSH ose 640 mijë dollarë duke përfshirë Tatimin mbi Vlerën e Shtuar për ndërtimin e një muri gjysmë metri të lartë dhe një porte hyrëse.
Por edhe pse kanë kaluar kaq muaj, në realitet ky mur nuk ekziston. Pra, Universiteti Bujqësor i Tiranës ka shpenzuar gjysme milion euro për të ndërtuar një mur rrethues, i cili në pjesën më të madhe të gjatësisë së tij është vetëm 30 cm i lartë. Tenderi me firmën e rektorit, Bahri Musabelli është zhvilluar në qershor të vitit të kaluar dhe përveç kostos stratosferike është i mbushur me dyshime të forta për korrupsuion. Rektori i Universitetit Bujqësor të Tiranës, Bahri Musabelliu ka paguar gjysme milion euro për një mur që nuk ekziston pothuajse fare dhe për një portë hyrëse prej hekuri.
Komente
Lajme të tjera
-
PD: Rindërtimi pas tërmetit të 2019, po përdoret për fushatë! Tenderat në Durrës po u jepen bandave
22 Tetor, 18:31 -
Tenderi 166 mln lekë! ‘Fluturim’ mbi liqene, do të ndërtohen 8 zip-line
27 Gusht, 16:00
-
Tender 2.4 mln euro për sistemin e të dhënave të fermave! Ministria do ketë informacion mbi prodhimin, stoqet e kostot e fermerëve
21 Gusht, 14:04
-
HULUMTIM I REPORT TV/ U shpenzuan 180 milionë lekë nga Bashkia Pogradec, por 6 mijë banorë s’kanë ende ujë të pijshëm!
13 Korrik, 11:06
-
Nga muret te sistemi i kondicionimit, 8.1 milionë lekë tender për rikonstruksionin e Gjykatës Kushtetuese
14 Qershor, 23:01 -
‘E ardhmja u përket të rinjve’, UBT marrëveshje të re! Master ndërkombëtar për Inovacionin e Hapur dhe Sipërmarrjen Rinore në Sektorin e Gjelbër
11 Qershor, 18:19 -
Universiteti Bujqësor i Tiranës lidh marrëveshje me BOKU-n e Vjenës/ Rektori: Ja çfarë do të përfitojnë studentët tanë dhe arsimi i lartë
18 Prill, 21:27 -
Dokument ekskluziv/ Vlora pa landfill, KLSH 'zbarkon' në Bashki, kërkon përgjegjësit për Sherishtën!
5 Prill, 12:20
-
ARRSH hap 4 tendera me vlerë 10 mld lekë për zgjerimin e rrugës Elbasan-Qafë-Thanë
4 Prill, 22:50 -
Projekti 100 mln USD, hapet tenderi për Bypassin 1 Vlorë-Orikum
26 Shkurt, 14:24 -
101-vjetori i shërbimit pyjor, mbillen pemë në Shëngjergj, Veliaj: Praktika mësimore te botaniku për studentët e UBT-së
27 Janar, 18:22 -
Abuzimi me tenderin e naftës, apeli i GJKKO lë në fuqi vendimin për ish-prefektin e Kukësit
5 Janar, 12:23
hekrat ne duar, cfare ka per hetim ketu ? keshtu zene mend keta milioneret e universitetit qe firmosin ne 12 bordero dhe hiqen si burra te mire, paskan qene njerzit me te korruptuar ne shqiperi, si rrine akoma ne zyre,,,,,
Përgjigjukur u be dhe Bariu rektor dhe mos mbette profesor me kembe! pedagogu me i humbur i viteve 90 eshte bere i pari i UBT, per zv rektoret as ja vlen ti permendesh.
Përgjigjukur hahet behen edhe therrime, por kur mendon edhe per te ardhmen therrimet nuk dalin as per pulat.
Përgjigju