Tentohet të vritet Presidenti i ekipit
të futbollit të Korabit Fehmi Mëziu

Presidenti i ekipit të futbollit të Korabit Fehmi Mëziu është tentuar që të vritet këtë të enjte në kryeqytet nga dy persona.
 
Ngjarja ka ndodhur në një nga rrugët kryesore të kryeqytetit, konkretisht në rrugën Hoxha Tahsim kur dy personat përmes një thike janë drejtuar për në vendin ku ai po qëndronte, por policia i ka ndaluar në kohë duke parandaluar kështu edhe ngjarjen e rëndë.



Sipas policisë, njëri prej autorëve është prangosur dhe bëhet fjalë për Edmond Gecajn 37 vjeç, ndërkohë që është shpallur në kërkim bashkëpunëtori i tij S.M.
 


Policia saktëson se shkak për këtë konflikt është bërë një borxh që Mëziu iu kishte dy personave që tentuan ta vrisnin.
 
Ja njoftimi i policisë
Policia parandalon një ngjarje të rëndë kriminale 
Patrullat e Përgjithshme të Policisë  të  Komisariatit Nr. 1 kanë parandaluar një ngjarje të rëndë kriminale duke neutralizuar njërin prej autoreve dhe sekuestruar armën e krimit (thikë).
Pikërisht në vendin e quajtur Hoxha Tasim 2 shtetas kanë tentuar të vrasin me thikë shtetasin F.M.
Vlerësimi i situatës dhe ndërhyrja e menjëhershme e policisë, ka bërë të mundur shoqërimin e shtetasit Edmond Geca 27 vjec dhe shpallur në kërkim autorin tjetër S.M.
Konflikti dyshohet të ketë ndodhur  për motive borxhi në vlera të larta monetare.
Grupi hetimor vazhdon  hetimet për zbardhjen e plotë të ngjarjes. 

Redaksia Online
(F.T/shqiptarja.com)