POP 5

Lajmet më të lexuara të 5 minutave të fundit

Kronikë

Tentoi të vriste rojen në një klub nate në Gjermani, ekstradohet nga Rinasi 23-vjeçari kosovar

Është ekstraduar drejt Gjermanisë i arrestuari  Shkëlqim Kastrati, i cili ishte në kërkim nga autoritetet gjermane prej 4 vitesh.

Tentoi të vriste rojen në një klub nate në Gjermani, ekstradohet nga Rinasi 23-vjeçari kosovar

Shkelqim Kastrati

Është ekstraduar drejt Gjermanisë i arrestuari Shkëlqim Kastrati, i cili ishte në kërkim nga autoritetet gjermane prej 4 vitesh, pasi ka tentuar të vrasë rojen në një klub nate.

Gazetari i Report TV Arsen Rusta raporton se Shkëlqim Kastrati, 23 vjeç me origjinë nga Kosova, është ekstraduar ditën e sotme drejt Gjermanisë.

Kujtojmë se në fund të dhjetorit Gjykata e Lartë Shqiptare, vendosi të miratojë ekstradimin në Gjermani të Kosovarit, Shkëlqim Kastrati, i cili rezulton të jetë shpallur në kërkim prej dhjetorit 2017 nga gjykata e Villingenit në Gjermani, pasi rezulton se ai ka kryer veprën penale të “Vrasjes me dashje” mbetur në tentativë.

Sipas dosjes hetimore, Shkëlqim Kastrati me origjinë nga Kosova, është implikuar në një ngjarje të rëndë në Gjermani, ku si pasojë e një konflikti me punonjësin e sigurisë së një klubi nate, e ka qëlluar këtë të fundit me pistoletë duke e dëmtuar rëndë. Fatmirësisht punonjësi i sigurisë ka mundur t'i shpëtojë sulmit me armë, për shkak se në trup mbante të veshur një jelek antiplumb.

Ndërkohë pas krimit të rëndë, Shkëlqim Kastrati, është larguar menjëherë nga Gjermani, duke u strehuar në Shqipëri. Autoritet e drejtësisë nxorën mandat arresti për Kastratin, por nuk mundën ta lokalizonin dhe arrestonin brenda territorit Gjerman. Shkëlqim Kastrati u arrestua nga Policia Shqiptare në muajin Maj 2019, ku ndalimi i tij është kryer në ambientet e një palestre fitnesi. Ndërkohë gjatë kontrollit në banesën me qira ku jetonte Kastrati në rrugën e Durrësit, policia e Tiranës, i gjeti dhe sekuestro një armë zjarri, plumba dhe një sasi kanabis.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Vrasja e postierit, brenda makinës ‘Porche’ të autorëve gjendet arma e krimit! Targat u vodhën në Kamëz në 2023

Vrasja e postierit, brenda makinës ‘Porche’ të autorëve gjendet arma e krimit! Targat u vodhën në Kamëz në 2023

24 Janar, 15:31