Efektivët  e komisariatit numër 3 në Tiranë, kanë arrestuar këtë të mërkurë, një 26-vjeçar nga Fieri, i cili ishte shpallur në kërkkim nën akuzën e  “Marrëdhënieve seksuale ose homoseksuale me kërcënim me përdorim të armës” si dhe “Dhunim i banesës”.
 
Sipas policisë në pranga është vënë fieraku Aldison Haxhiaj, banues në Tiranë. Haxhiaj ishte shpallur në kërkim nga Policia e Fierit, pasi më datë 26 gusht të këtij viti, sëbashku me 25-vjeçarin Ermir Rina kishin tentuar të kryenin marrëdhënie seskuale nën kërcënimin e armës, me 25-vjeçaren me inicialet E.Gj nga Fieri, në banesën e saj. Në cilësinë e provës materiale, policia e Fierit pati sekuestruar një thikë.
 
Po ashtu ndaj tij rëndojnë edhe veprat penale “Prodhim i armëve luftarake", "Kanosje për shkak të detyrës" dhe “drejtim mjeti në mënyrë të parregullt”.
 


Redaksia Online
(u.s/shqiptarja.com)