POP 5

Lajmet më të lexuara të 5 minutave të fundit

Kronikë

Tentoi të trafikojë në SHBA 1 ton kokainë më 2023, SHBA i kërkojnë Shqipërisë kolumbianin e arrestuar në laboratorin e Fushë-Krujës

I arrestuar që prej Nëntorit 2024, nën akuzë nga Prokuroria e Posaçme për laboratorin e drogës në Fushë-Krujë, Shtetet e Bashkuara të Amerikës i kërkojnë Shqipërisë ekstradimin e kolumbianit Ledezma Narveaz, i konsideruar si kreu i grupit kriminal të goditur në Kolumbi nga DEA, në muajin nëntor 2023. Por në fillim duhet të mbyllë çështjen penale në vendin tonë

Tentoi të trafikojë në SHBA 1 ton kokainë më 2023, SHBA i kërkojnë Shqipërisë kolumbianin e arrestuar në laboratorin e Fushë-Krujës

Grupi i kolumbianëve që akuzohen nga SHBA për narkotrafik

Tiranë- I arrestuar që prej Nëntorit 2024, nën akuzë nga Prokuroria e Posaçme për laboratorin e drogës në Fushë-Krujë, Shtetet e Bashkuara të Amerikës i kërkojnë Shqipërisë ekstradimin e kolumbianit Ledezma Narveaz, i konsideruar si kreu i grupit kriminal të goditur në Kolumbi nga DEA, në muajin nëntor 2023.

Referuar dosjes së amerikanëve, ai tentoi të trafikonte 1 ton kokainë drejt Floridës, sasi që ishte porositur nga një agjent sekret, i cili bëri në dy raste blerje të stimuluara prej tij. Narveaz dhe shqiptari Klodian Zaimi, i arrestuar në Kolumbi në nëntor me qëllim ekstradimi në SHBA, u futën në grackë nga një agjent i kamufluar.

Gjatë përpjekjeve për trafikun e 1 ton kokainë drejt Amerikës, kolumbiani kishte zhvilluar takime me shqiptarin Klodian Zaimi, të cilit i kërkonte mënyra për të pastruar të ardhurat që do fitonin. Ata kanë marrë fillimisht nga agjenti i infiltruar 100 mijë dollarë për ngarkesën.

Prokuroria e Posaçme thotë se 41-vjeçari do të duhet të mbyllë çështjen hetimore në Shqipëri, para se të merret një vendim për ekstradimin e tij në SHBA, informon ‘TV Klan’.

Por teksa zhvillohet procesi për ekstradimin e tij, ai është nën hetim nga SPAK që e konsideron atë si pjesë e një grupi që trafikonte kokainë nga Republika Domenikame në Shqipëri.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57