Tiranë - Zgjedhësit shqiptarë vijojnë të mbështesin Partinë Socialistë për një mandat të katër në pushtet. Të dhënat e sondazhit të fundit të Eduart Zaloshnjës në bashkëpunim me Report tv, të publikuara mbrëmjen e 16 janarit 2025, në emisionin "Frontline' tregojnë se për PS sot do të votonin 50.5% e qytetarëve, 31.3% për PD, 16% për partitë e reja dhe 2.2% për partitë e vjetra. Ajo që vihet re është rritja e mbështetjes për socialistët në muajin janar me 2.4% krahasuar me dhjetorin.
Aktualisht edhe për PD ka një rritje të lehtë me 0.3%. Nga anketimi rezulton se edhe diaspora do tja jepte sot votën Edi Ramës me 52.9% mbështetje. Krahasuar me muajin dhjetor këtë vit duket se partitë e reja pëlqehen më pak nga elektorati, me një rënie të votimit me 3%. Ka një rritje të lehtë për partite e vjetra.
Pyetjes se cilin nga dy politikanët kryesorë kanë opinion më pozitiv, sondazhi tregon se shqiptarët zgjedhin pa hezitim Edi Ramën me 52.2% të votave. Madje në janar kryeministri ka një rritje të mbështetjes me 3.1%. Ndryshe rezulton Sali Berisha i cili ka vetëm 30% të mbështetjes, megjithëse me një rritje me 0.9% në janar. Rama sot sfidon Berishën edhe me votën e emigrantëve me një pëlqyeshmëri të 56.1% tyre. Ndërsa lideri demokrat pëlqehet 30.2%, 17.6% janë për asnjërin prej tyre.
Sa i takon arritjeve të qeverisë, në përgjithësi shqiptarët si brenda dhe jashtë shprehen pesimistë me 47% të votave, megjithëse ka një tendencë rritjeje me 2.3% të opinionit pozitiv gjatë muajit të parë të këtij viti.
Zgjedhësit u pyetën nëse i shohin normale sharjet dhe shpifjet e politikanëve ndaj njëri-tjetrit. 79.4% thonë se jo, ndërsa 11.2% i shohin normale, pjesa tjetër prej 9.4% janë të dyzuar.
Marrëdhëniet me SHBA-në
Në pritje të betimit si president të Donald Trump më 20 janar, shqiptarët jashtë dhe brenda vendit mendojnë se nuk do të ketë ndikim në marrëdhëniet e Ramës me SHBA. Për 50.3% të qytetarëve raporti i Ramës me Trump do të mbetet po njësoj, 19.3% mendojnë se do përmirësohen. Nga ana tjetër, 25.2% thonë se marrdhëniet do përkeqësohen, ndërsa 5.2% shprehen se janë të dyzuar.
Trafiku
Lidhur me trafikun në Shqipëri krahasuar me vendet përreth, zgjedhësit e prirur për të votuar shprehen se trafiku në vendin tonë është më i rënduar. 55.7% mendojnë se është më i rënduar, 25.2% thonë se është më pak i rënduar, ndërsa 19.1% janë të dyzuar.
Metodologjia e sondazhit
Kampioni: 2401 zgjedhës të prirur për të votuar; 1801 në territorin e Shqipërisë, të kontaktuar me SMS krejt të rastësishme të shpërndara proporcionalisht në çdo qark, si edhe 600 zgjedhës nga emigracioni, të kontaktuar përmes miqve/të afërmve këtu.
Kampioni u ripeshua statistikisht për ta përfaqësuar elektoratin sa më mirë demografikisht, gjeografikisht dhe politikisht.
Maksimumi i marzhit të gabimit statistikor: Plus/minus 3%.
Në sondazhin e Frontline zgjedhësit e vendosur për të votuar qysh sot u pyetën edhe për kë do votonin. Sipas sondazhit PS merr më shumë se 50% të votave, duke lënë prapa PD-në me 31.3%.
Partitë e reja marrin 16%, ndërsa parti të tjera të vogla marrin vetëm 2.2%. sa i përket zgjedhësve të gatshëm për të votuar që jetojnë në Shqipëri, PS merr diçka më pak se 50% i votave, PD me 31.8%, partitë e reja me 15.9% dhe partitë e vogla të tjera me 2.6%.
Shqiptarët e Diasporës japin më shumë vota për PS-në me 52.9%, PD me 29.8%, partitë e reja me 16.3% dhe partitë e vogla janë më pak të preferueshme me 1%.
Në sondazhin e Frontline të zhvilluar në datat 14-15 janar, qytetarët u pyetën edhe për opinionin që kanë për dy liderët kryesorë të politikës shqiptare Sali Berisha dhe Edi Rama. 52.2% kanë opinion më pozitiv për Edi Ramën, 30.2% shprehen më pozitivisht për Berishën, ndërsa 17.6% janë për asnjërin prej tyre.
Sa i përket vetëm shqiptarëve në Shqipëri, Rama ka avantazhin e 50.9%, Berisha pëlqehet me 30.6% dhe 18.5% janë për asnjërin nga ata.
Kurse për shqiptarët e diasporës Rama ka një avantazh edhe më të madh, me 56.1% pëlqyeshmëri, Berisha me 29% dhe 14.9 janë për asnjërin.
Në sondazhin e 'Frontline', zgjedhësit e prirur për të votuar u pyetën edhe për opinionin e tyre lidhur me punën e qeverisë. 42.3 % mendojnë pozitivisht, 47% shprehen negativisht për punën e qeverisë dhe 10.7% janë të dyzuar.
Sa i përket shqiptarëve që jetojnë në Shqipëri 41.3% mendojnë se puna e qeverisë është pozitive, 47.3% e shohin negativisht punën e qeverisë dhe 11.4% theksojnë se janë të dyzuar.
Shqiptarët që jetojnë në emigracion e shohin pak më pozitive punën e qeverisë, megjithatë 46.1% kanë opinion negativ, ndërsa 45.3% kanë opinion pozitiv për punën e qeverisë. 8.6% janë të dyzuar.
Në sondazhin e Zaloshnjas dhe Frontline, zgjedhësit e prirur për të votuar u pyetën edhe për opinionin e tyre lidhur me trafikun në Shqipëri krahasuar me vendet përreth.
55.7% mendojnë se është më i rënduar, 25.2% thonë se është më pak i rënduar, ndërsa 19.1% janë të dyzuar.
Shqiptarët e Shqipërisë e shohin në 58.9% më të rënduar, 23.7% më pak të rënduar dhe 17.4% janë të dyzuar.
Diaspora e mendon në 46.1% më të rënduar, 29.7% më pak të rënduar dhe 24.2% është e dyzuar.
Në sondazhin e Frontline dhe Eduard Zaloshnja zgjedhësit e prirur për të votuar u pyetën nëse i shohin normale sharjet dhe shpifjet e politikanëve ndaj njëri-tjetrit. 79.4% thonë se jo, ndërsa 11.2% i shohin normale, pjesa tjetër prej 9.4% janë të dyzuar.
Shqiptarët e Shqipërisë në 76.8% nuk i konsiderojnë normale sharjet dhe shpifjet e politikanëve, 12.3% i shohin normale, ndërsa më shumë se 10% janë të dyzuar.
Sa i përket shqiptarëve në emigracion të prirur për të votuar në zgjedhje, më shumë se 87% nuk i shohin normale sharjet dhe shpifjet e politikanëve ndaj njëri-tjetrit, 7.9% i shohin normale dhe 4.9% janë të dyzuar.
Në sondazhin e sotëm të zhvilluar nga Frontline dhe Eduard Zaloshnja, qytetarët shqiptarë u pyetën lidhur me ardhjen e presidentit Trump në Shtëpinë e Bardhë, nëse do të ndryshojnë marrëdhëniet e SHBA-së me kryeministrin Rama.
Më shumë se gjysma 50.3% mendojnë se marrdhëniet SHBA-Rama do mbeten njësoj, 19.3% mendojnë se do përmirësohen. Nga ana tjetër, 25.2% thotnë se marrdhëniet do përkeqësohen, ndërsa 5.2% shprehen se janë të dyzuar.
Sa i përket shqiptarëve që jetojnë brenda vendit, 49.2 % thonë se do mbeten njësoj, 19% se do përmirësohen. 26% mendojnë se do përkeqësohen, ndërsa 5.8% janë të mendimit se do përkeqësohen.
Kurse shqiptarët në emigracion, 53.6% thonë se do mbeten njësoj, 20.2% janë të mendimit se do përmirësohem, 22.8% shohin përkeqësim dhe 3.4% janë të dyzuar.
Komente
Lajme të tjera
-
Vajza e Silvio Berlusconit: Shpresoj që Trump të mos shkatërrojë Perëndimin
16 Shkurt, 20:55 -
Ekipi i Presidentit Trump niset në Arabinë Saudite për bisedime mbi luftën në Ukrainë
16 Shkurt, 19:28 -
Kryeministri Rama ndan fotot nga pjesëmarrja në Konferencën e Sigurisë në Mynih, takon edhe Richard Grenell e Albin Kurtin (FOTOT)
16 Shkurt, 18:45 -
Zgjedhjet/ Partia e Lirisë takim me Diasporën në Milano, Meta reagon nga qelia: Çdo votë e juaja është për rotacionin dhe ndryshimin, regjistrohuni!
16 Shkurt, 17:45 -
I vuri ‘ultimatum’ dhe kërcënon Edi Ramën që të mos mblidhen para SPAK, por nesër Berisha mobilizon militantët në protestë para Prokurorisë së Posaçme!
16 Shkurt, 16:58 -
Rubio takohet me kryeministrin izraelit: Hamas duhet të eliminohet! Netanyahu: Trump, miku më i madh i Izraelit! Plan të përbashkët për Gazën dhe kërcënimin iranian
16 Shkurt, 15:45 -
Zelensky thotë se Ukraina s’u ftua për bisedimet SHBA-Rusi në Arabinë Saudite
16 Shkurt, 15:15 -
Berisha: Audit për 12 vite qeverisje të Ramës, ku shkuan 64 mld euro buxhet në 12 vite
16 Shkurt, 14:01 -
Kos batuta me Ramën: Mezi pres të vij në Tiranë, i futem detit me not për të pasur marrëdhënie të mira me BE! Kryeministri: Ta bëjmë Brukselin të notojë (VIDEO)
16 Shkurt, 13:27 -
Eduard Zaloshnja: Në qoftë se votohet sot në Tiranë: PS 19 mandate, PD 14, të tjerat 4
16 Shkurt, 12:12
-
Rama kritika BE për zgjerimin: Po ecën ngadalë, ndani mendjen për integrimin e Ballkanit Perëndimor! Zgjedhja e Trump, akti më bujar i Zotit kundrejt Europës
16 Shkurt, 11:57 -
Lufta në Ukrainë/ Fillojnë negociatat SHBA-Rusi: Përshpejtojmë pa Europën në tryezë
16 Shkurt, 11:31
Dhe ky projeksion pa ndez Rama motorët e fushatës. Në fushatë Rama sjell gjithmonë qasje të reja për t’i bindur skeptikët, ndërsa Sali mavria prej 30 vjetësh (me përjashtim të 2005-ës), veç përsërit të njëjtin refren. Strukturat e PS-së janë në punë gjjthë kohës, të PD-së janë inekzistente dhe grryejnë veten dhe më shumë kur kanë zgjedhje të brendshme si rasti i Njesisë 2 e sa të tjerave që janë në proces.
PërgjigjuTek ne mardheniet jane shtet, si SHBA fjala bie, dhe Rama, jo Shqiperia. Ku ka shku korruptimi dhe kalbja shoqerore
Përgjigju