POP 5

Lajmet më të lexuara të 5 minutave të fundit

Kosova & Rajoni

Tetovë/ 60-vjeçari vrau 2 kushërinjtë e tij pas sherrit për vendparkim! Zbardhen detaje të reja, pranë viktimave u gjetën dy armë zjarri

Detaje të reja janë zbardhur nga vrasja e djeshme në fshatin Çellopek në Tetovë, ku humbën jetën dy persona dhe mbetën të plagosur dy të tjerë, mes këtyre të fundit edhe autori i dyshuar i ngjarjes

Tetovë/ 60-vjeçari vrau 2 kushërinjtë e tij pas sherrit për vendparkim! Zbardhen detaje të reja, pranë viktimave u gjetën dy armë zjarri

Pamje nga vendngjarja

Detaje të reja janë zbardhur nga vrasja e djeshme (27 Dhjetor) në fshatin Çellopek në Tetovë, ku humbën jetën dy persona dhe mbetën të plagosur dy të tjerë, mes këtyre të fundit edhe autori i dyshuar i ngjarjes.  

Sipas njoftimi të policisë, në vendngjarje janë gjetur tre armë zjarri, njëra e cila iu sekuestrua 60-vjeçarit që dyshohet si autor, dhe dy të tjerat u gjetën pranë dy viktimave, trupat e të cilëve janë dërguar për autopsi.  

"Me datë 27.12.2023 rreth orës 14.30 në fshatin Çellopek Tetovë, zyrtarë policorë nga SPB Tetovë – Reparti Policor Zherovjanë, kanë ndaluar I.I.(59) nga fshati Çellopek, duke vepruar pas raportimit se rreth orës 14:10 në fshat me armë zjarri ka vrarë të afërmit e tij F.Xh.(52) dhe M.Xh.(28) dhe ka plagosur A.Xh.(54), të gjithë nga i njëjti fshat.  I dyshuari, i cili gjithashtu është lënduar me armë zjarri, është ndaluar në stacionin policor dhe është dërguar në Spitalin Klinik të Tetovës për ndihmë mjekësore. Vendi është kontrolluar nga prokurori publik dhe ekipi inspektues i SPB Tetovë, gjatë të cilit janë gjetur dhe konfiskuar tri armë. Njëra armë i është marrë të arrestuarit, ndërsa dy të tjerat janë gjetur në afërsi të të ndjerëve F.Xh. dhe M.Xh. Me urdhër të prokurorit publik, trupat e të ndjerëve janë dërguar për autopsi dhe pas zbardhjes dhe dokumentimit të plotë të rastit do të dorëzohet kallëzim përkatës përkatës”, thuhet në njoftimin e SPB Tetovë.

Ju rikujtojmë se ditën e djeshme Ilmi Islami dyshohet se qëlloi për vdekje dy kushërinjtë e tij, babë e bir pas një konflikti për një vendparkim. 

Sipas ministrit të Brendshëm maqedonas, personat kishin vazhdimisht konflikte për çështje pronash. 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21