Teuta mposht Vllazninë dhe ngjitet në vendin e dytë, Laçi i merr tre pikët Kukësit

Java e 22 e Superligës ka prodhuar rezultatet tejet befasuese, duke i dhënë një tjetër panoramë kampionatit. Kjo pasi sot Vllaznia kryesuese është mposhtur 1-0 nga Teuta dhe për rrjedhojë diferenca me ‘djemtë e detiti’, që tani janë ngjitur në vendin e dytë, ka shkuar në vetëm 1 pikë.

Golin e vetëm në ‘Loro Boriçi’ e ka realizuar Dejvi Bregu në pjesën e parë. Ndërkohë në vendin e tretë është ngjitur Laçi, që në Elbasan Arena ka mposhtur Kukësin me rezultatin 1-2. Me këtë fitore kurbinasit kanë shkuar në kuotën e 40 pikëve, po aq sa Teuta dhe një pikë më pak se Vllaznia.

Hapin fals sot e ka bërë Partizani, që nuk ka shkuar më shumë se një barazim 1-1 kundër Apolonisë. Fierakët realizuan të parët, ndërsa skuadra e Dajës barazoi me Kardozon. Me këtë rezultat Partizani zbret në vendin e katërt, por është vetëm dy pikë më pak se Vllaznia kryesuese.

Sakaq për t’u veçuar ka qenë Tirana e cila sot ka marrë një tjetër fitore. Bardheblutë e Shehit kanë mposhtur pastër 2-0 Bylisin, ndërsa në Korçë Kastrioti ka zhytur akoma më shumë Skënderbeun. Korçarët e vendit të fundit kanë humbur 0-1.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv