Turizmi në Shqipëri, jehonë edhe nga mediat britanike! Rama: Për herë të parë vendi është vendosur në raportin e ABTA

Vendi ynë vijon të jetë ndër sugjerimet kryesore të revistave dhe mediave të huaja, si një ndër destinacionet turistike që duhet vizituar.

Duke ju referuar një shkrimi të fundit të gazetës së njohur britanike ‘The Mirror’, që u bën jehonë thesareve turistike të Shqipërisë, kryeministri Edi Rama bën të ditur se për herë të parë vendi ynë është vendosur në raportin e ABTA - shoqata britanike e turoperatorëve dhe udhëtimeve - si një nga 10 vendet që duhen vizituar këtë vit.

‘Edhe gazeta e njohur britanike “The Mirror" u bën jehonë thesareve turistike të Shqipërisë duke nisur nga muzetë e kryeqytetit, amfiteatrit romak të Durrësit, për të zbritur në plazhet e rivierës, pasuritë arkitekturore të Gjirokastrës e për të zbuluar më në brendësi të vendit liqenin e Bovillës apo Parkun e Alpeve. Për herë të parë Shqipëria është vendosur në raportin e ABTA - shoqata britanike e turoperatorëve dhe udhëtimeve - si një nga 10 vendet që duhen vizituar këtë vit.’- shkruan Rama.

LEXO EDHE:
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!

Shoqata e turoperatorëve dhe udhëtimeve “ABTA” ka përfshirë Shqipërinë në listën e 10 destinacioneve që u sugjeron qytetarëve britanikë për të udhëtuar gjatë 2024-ës.

Në raportin e fundit “10 Destinations to Watch in 2024” që ABTA ka publikuar janë edhe pikat turistike në Shqipëri

‘Një numër në rritje pushuesish po e zbulojnë këtë destinacion mahnitës, miqësor dhe me vlera, i cili po rekomandohet gjithnjë e më shumë nga operatorët turistikë në Britaninë e Madhe. Kryeqyteti, Tirana është një qytet kozmopolit, plot gjallëri me disa muze shumë origjinalë dhe interesantë.

Durrësi, qyteti i dytë më i madh i vendit, është gjithashtu një nga më të vjetrit, me një amfiteatër romak të ruajtur mirë dhe vende të tjera arkeologjike. Qyteti i bukur i Beratit krenohet me sitet e tij të mrekullueshme të përfshira në Trashëgiminë Botërore të UNESCO-s.

Gjithashtu, Gjirokastra shfaq trashëgiminë e pasur arkitekturore të vendit. Ndoshta atraksionet më të mëdha të vendit janë qytetet përgjatë Rivierës Shqiptare me ujëra të pastër kristal dhe çmime tepër të arsyeshme.

Saranda është një vendpushim i mrekullueshëm në Rivierë nga ku mund të merrni një
me varkë për vizituar disa plazhe të bukura, siç është Kroreza e shquar.

Shkodra është një qytet tërheqës, i pacënuar në brigjet e liqenit të Shkodrës dhe një bazë e shkëlqyer për të eksploruar Parkun Kombëtar të Thethit me malet e tij mbresëlënëse dhe të mahnitshme.

Për adhuruesit e natyrës, liqeni i Bovillës është një vend i mrekullueshëm për shëtitje, ngjitje dhe not në ujë të ëmbël dhe kristal.’-thuhet në prezantimin për Shqipërinë.

(Kliko këtu për të lexuar dokumentin e plotë)

M.Q./Shqiptarja.com

TAG:
• edi rama
• turizmi
• sezoni turistik