TIRANE- Zbulohen 7 pasuri të paluajtshme që u janë gjetur deri më tani 10 personave që janë vënë në pranga për vjedhjen e 713 milionë lekëve nga Thesari i Bankës së Shqipërisë. Burime nga prokuroria kanë bërë të ditur se hetimet e deritanishme kanë bërë që të zbulohen këto pasuri që janë në biznese të ndryshme, dyqane, apo aktivitete të tjera, si dhe prona të ndryshme dhe banesa. Verifikimi po bëhet për pronat që janë vënë pas viti 2010, kur dyshohet se ka nisur vjedhja. Këto prona janë gjetur gjatë verifikimeve të bëra në Hipotekë dhe në Qendrën Kombëtare të Regjistrimit.