Kisha vendosur të rrija i qetë në këtë mesfushatë edhe për faktin se është një rezultat i parathënë. Erion Veliaj mesa duket nuk e ka marrë vesh që ka një konkurrent në Tiranë dhe po lufton të marrë Kavajën; Gjirokastra, Vlora, Korça, Fieri, Elbasani, Dibra, Lezha janë të paravendosura dhe po luftohet për Durrësin dhe Shkodrën.
Ndërkohë Sali Berisha ka shkruar një letër të hapur për shqiptarët. U bën thirrje që të votojnë kundër qeverisjes aktuale pasi kjo po shpopullon vendin. Mbase. Edhe kjo qeveri ka gjynahet e saj, por nëse ka një fajtor, një gjyle në këmbë që i mban shqiptarët në batakun e tranzicionit, ky është Sali Berisha.
Në letrën e tij si baba i kombit, Berisha u drejtohet shqiptarëve si ish-president dhe ish-kryeministër. Më mirë mos t’ua kujtosh. Ke qenë president dhe kryeministër për bythën tënde; familjen tënde; klanin tënd dhe po të mbetej gjë edhe për demokratët. Ishte ky president që me nenin 24/1 zbrazi administratën shtetërore, hodhi në rrugë të madhe edhe nëpunës që nuk kishin qenë asnjëherë komunistë, edhe ekonomistë e inxhinierë që kishin vetëm një vit që kishin filluar punë, duke i hapur rrugë mbushjes së radhëve me militantë dhe ronxho bonxho gjysëmanalfabetë që e bënë rrush e kumbulla pasurinë e vënë në 45 vjet; duke shitur dhe çuar për skrap atë që nuk e privatizonin dot. Është presidenca e tij që furnizoi me firmën Shqiponja, paratë e së cilës nuk dihet ku shkuan, Milisheviçin.
Për ta mbyllur presidencën me vjedhjen më masive të shqiptarëve me firmat piramidale të cilat pastaj çuan në rrënimin financiar dhe moral te një vendi e për t’u pasuar me ngjarjet e shtatorit ‘98-të, trauma të cilat kanë shënjuar një brez dhe nga të cilat ende nuk e ka marrë veten dhe ende nuk e dimë bilancin e të vrarëve që shtohet edhe sot nga armët që shpërndau dhe depot që bastisi.
Është qeverisja e tij që dhunoi çdo aset intelektual. Mjafton të shohësh sot kush janë pronarët e televizioneve kombëtare, firmave oligarkike, për të kuptuar çfarë i ka bërë vendit.
Ka gjobaxhinj të tij të shpërndarë në median e vendit që quajnë periudhën 2005-2009 si më të mirën e tranzicionit! Mirë që na e kujtuat. Ishte periudhë që u shoqërua me krijimin e oligarkëve dhe korrupsioni nepotik i Sali Berishës u finalizua me 26 shqiptarë të hedhur në erë. E për të vazhduar me krenarinë e tij, vrasjet në bulevard. Mbase thirrja e Berishës do zinte vend nëse për dhjetë vite do ta mbyllte sqepin.
Popujt e kanë memorien e shkurtër edhe për vrasës serialë. Mirëpo nuk mbeti fake news apo i sëmurë psikik që nuk i shkruante dhe ky mos ta botonte te Qytetari Dixhital duke e bërë toksike çdo ditë në këtë vend dhe duke shkatërruar karriera dhe jetë. Aq i sëmurë në perversitetin e tij saqë hante si djathë gjithë sapunet që i niste çdo javë zyra e shtypit e Ramës apo kush kishte nge të merrej me çmenduritë e tij.
Shqiptarët vërtet ikin. Por shkaku kryesor është pikërisht çibani i Berishës që i ka zënë frymën këtij vendi; është makutëria e tij për pushtet e para dhe frika se mos Ia marrin këtë pasuri; është frika e shqiptarëve se ky mund të rikthehet dhe t’ia fillojë avazit me Gërdecë e vrasje; është dalzotësi që i bën çdo hajduti e krimineli, është bllokimi që i ka bërë jetës politike dhe frontit të opozitës.
Për fat kjo është kënga e fundit e korbit. Ata që e bënë, amerikanët, ata edhe e kanë hedhur në koshin e plehrave. Koalicioni i tij mund të votohet në disa bashki të kategorisë së dytë apo të tretë, por ata do hanë bar, dhe kjo jo pse do Edi Rama mos t’u japë para, por se është një premtim dhe paralajmërim i amerikanëve me gojën e zyrtarëve të lartë. Koha e Sali Berishës dhe skotës së tij ka mbaruar, përfshirë edhe ca ndjekës të tij, pasi siç thotë një proverb tropojane: Në kohën kur i gjithë fshati ka lëshuar qentë të kapin ujkun, mos e lyej prapanicën me dhjamë ujku se pastaj e ha edhe ti për ujk. (Dritare.net)
Lajme të tjera
-
Lorenc Vangjeli: Bllokimi i Tiranës/ Dy pamje të ndryshme dhe një palë pranga në mes
29 Nëntor, 14:38
-
Berisha doli ditën e Pavarësisë dhe mbron faljen e kufijve në favor të Greqisë: Ishte marrëveshje e mirë
29 Nëntor, 11:58 -
Mero Baze: Më në fund, PD e do drejtësinë të varur nga SHBA, BE dhe… mosbindja civile
29 Nëntor, 06:59
-
Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet
28 Nëntor, 22:25 -
Berisha me shqiptarët në Greqi: Vota juaj ka rëndësi përcaktuese për Shqipërinë
28 Nëntor, 21:54 -
Petro Koçi në Report Tv: Berisha skenar ogurzi si i ’97-ës, fshihet pas qeverisë teknike! Protestë me akte guerrile, duhet të gjykohet edhe për 21 janarin
28 Nëntor, 19:01 -
Endri Tafani: Takimi i Berishës me 'të rinjtë', PD duhet të ndërrojë urgjentisht marketingun politik!
28 Nëntor, 18:16
-
Lirimi i Berishës, Romeo Kara: Vendim i frymëzuar nga pazari politik! Ish- shoferi i tij gjyqtar i dha vulën e PD, kërcënoi trupën e prokurorëve! Kuçana: Kemi bërë gabime, në 2013 ikëm nga pushteti
28 Nëntor, 17:59 -
Lirimi i Berishës gëzon opozitën, mazhorancën dhe drejtësinë
28 Nëntor, 17:52
-
Akuzat e Bardhit në 2021: Suel Çela në shërbim të Berishës e Nokës, u mblodhi firma për Kuvendin e PD! Si përdori në të njëjtën periudhë Artan Hoxha foton e Ramës me Çapjan për ta sulmuar (VIDEO)
28 Nëntor, 17:00 -
Dita e Pavarësisë/ Berisha i lirë, por rri në shtëpi! Në Vlorë shkojnë deputetët
28 Nëntor, 15:43 -
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21
