TIRANE-Raportuesja për Shqipërinë në Parlamentin Europian, Izabel Santos u bëri thirrje palëve politike në Shqipëri që lënë ndasitë dhe të bashkohen duke u ulur për të dialogur për interesin e përbashkët, që është hapja e negociatave dhe integrimi i vendit në BE. Në një konferencë për mediat nga 'Shtëpia e Europës' së bashku me ambasadorin e BE-së, Luigi Soreca, Santos kërkoi që të miratohet sa më shpejt reforma zgjedhore.
"Do të përpiqem që të mos komentoj politikën e brendshme të Shqipërisë. Ky është një moment për të qenë të bashkuar, nuk është momenti për t'u ndarë. Jemi para një hapi të rëndësishëm për vendin, u bëj thirrje të aktorëve politikë. Askush nuk mund të thotë se përgjegjësia është vetëm e BE-së, është e BE-së, por edhe përgjegjësia e aktorëve politikë në këtë vend. Bëj thirrje për përmbushjen e kritereve që janë vendosur për vendin.
Të gjitha forcat të futen në dialog dhe të vijojnë reformat dhe të vijojnë përpara për atë që është në interes të popullit shqiptar. Nga sondazhi del se 95% duan të jenë në BE dhe kjo është mbi interesat tona, si politikanë. Unë u bëj thirrje aktorëve për bashkim dhe dialog. Thirrja ime e vetme është të vijoni me reformën zgjedhore në bazë të rekomandimeve të OSBE-së, ndërsa hapi i dytë për zgjedhjet, është një vendim që duhet ta marrin aktorët politikë" tha ajo.
E pyetur lidhur me kërkesën e opozitës për zgjedhje të parakohshme pas miratimit të reformës zgjedhore, Santos tha se "Nuk më takon mua të ndërhyj në vendime të kësaj natyre. Politikanët duhet të kuptojnë se cili është interesi i qytetarëve dhe këto interesa duhet të qëndrojnë përmbi cdo interes tjetër të partive politike".
Izabel Santos vlerësoi edhe vendimin e shumicës për të shtyrë vendimin për paketën anti-shpifje pasi të flasë Komisioni i Venecias. "Vendimi i kohëve të fundit për ta shtyrë ligjin e anti-shpifjes është një sinjal i mirë. Shpresoj që ligji përfundimtar të marrë parasysh gjithë rekomandimet e OSBE dhe të jetë në përputhje me standardet europiane sepse kjo është shumë e rëndësishme për BE" tha ajo.
Në fund, raportuesja për Shqipërinë në PE kishte një koment edhe për Konferencën e Donatorëve. "Ishte një sukses i madh dhe është e qartë që përpjekjet që janë bërë nga Shqipëria vitet e fundit kane luajtur rol të rëndësishëm në atë konferencë. Ishte emocionuese, fantastike të shihje kaq shumë vende që jepnin solidaritetin e tyre dhe kjo është një gjë që nuk ndodh shpesh në BE por ishte një gjest bashkimi, me anë të të cilit ne përqafuam Shqipërinë dhe kemi nevojë për sinjale të mira që të ecim para me këtë proces" përfundoi ajo.
Në prag të vendimit për negociatat, Ilir Meta në datë 2 mars ka thirrur një protestë kundër qeverisë, ndërsa sa i përket reformës zgjedhore opozita kërkon qeveri teknike 100 ditë para zgjedhje që është kundërshtuar në mënyrë kategorike nga shumica.
Lajme të tjera
-
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Çmendet Adriana Kalaja, sulmon presidenten e KE dhe diplomaten amerikane: Von der Leyen nëse është e dashura e Ramës, të na thotë! VanHorn si 'Shoqja Laja'! Merrni çantën me lekë
25 Tetor, 17:59 -
Spahiu ironizon Ramën: Nëse BE na ka poshtëruar tre herë, Shqipëria ka poshtëruar 30 herë veten
15 Tetor, 21:37 -
Shqipëria hap grup-kapitullin e parë me BE, ambasadori Gonzato: Partitë ta konsiderojnë Integrimin prioritet kombëtar strategjik!
15 Tetor, 12:27 -
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
