Tifozët shqiptarë dhe ata kroatë festuan së bashku para ndeshjes mes Kroacisë dhe Shqipërisë, të zhvilluar të mërkurën në kuadër të “Euro 2024”. Në stadiumin në Hamburg, tifozët e Shqipërisë dhe ata të Kroacisë qëndruan në tribuna të njëjta dhe nuk është raportuar për ndonjë incident.
Në të paktën një moment ata kanë kënduar së bashku ku janë dëgjuar duke thirrur “mbyte serbin”. Nuk ka vonuar shumë dhe Federata e Futbollit e Serbisë reagoi.
Fillimisht nga Federata serbe thanë se do të tërhiqen nga Evropiani nëse UEFA nuk dënon Federatën Shqiptare të Futbollit dhe Federatën Kroate të Futbollit. Në ankesën zyrtare të Federatës serbe kërcënimi për tërheqje megjitahtë nuk është përmendur.
Të enjten mbrëma, ashtu si pritej, UEFA nisi hetimet. Por jo se këtë e ka kërkuar Federata serbe. Hetimet e UEFA-s ishin planifikuar edhe para se serbët të ankoheshin.
UEFA ka caktuar një inspektor për të kryer hetimet “lidhur me sjelljen e mundshme raciste dhe diskriminuese nga tifozët, që dyshohet se kanë ndodhur në ndeshjen Kroaci – Shqipëri”.
Gjasat janë të mëdha që FSHF-ja dhe Federata kroate të gjobiten nga UEFA. Të dy federatat tashmë janë gjobitur për sjelljet e tifozëve të tyre në ndeshjet e xhiros së parë të “Euro 2024”.
Më i rëndë vlerësohet rasti i sulmuesit të Shqipërisë, Mirlind Daku. Pas ndeshjes me Kroacinë, Daku mori megafonin dhe iu afrua tribunës ku ishin tifozët shqiptarë.
Sulmuesi u dëgjua duke nisur fyerje ndaj maqedonasve. Të enjten paradite Federata e Futbollit e Maqedonisë së Veriut doli me reagim zyrtar duke kërkuar nga Daku që të kërkojë falje dhe nga UEFA-ja që të hetojë rastin.
Rasti i Dakut është përmendur edhe në letrën e Federatës serbe për UEFA-n. Kjo e fundit do ta hetojë edhe atë rast.
“Është hapur një hetim lidhur me sjelljen që supozohet se ishte e papërshtatshme, e lojtarit të FSHF-së, Mirlind Daku. Informacione të tjera lidhur me këtë çështje do të vihen në dispozicion në kohën e duhur”, shkruan në njoftimin e UEFA-s. Pasi fyerjet ndaj një vendi tjetër janë të evidentuara, gjasat janë të mëdha që edhe Daku të dënohet nga UEFA.
Postimi i Mirlind Dakut në instagram
Sulmuesi i Kombëtares, Mirlind Daku ka kërkuar falje publike duke thënë se ishte nën efektin e emocioneve kur ofendoi tifozët e Maqedonisë së Veriut. Pas ndeshjes Kroaci 2-2 Shqipëri në Euro 2024, Daku mori megafonin dhe foli para Tifozave Kuq e Zi.
"Përshëndetje të gjithëve. Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024. Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi”.
Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona. Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar. Me respekt, Mirlind Daku", shkruan Daku. Për këtë rast UEFA ka nisur hetimet.
Komente
Lajme të tjera
-
Conference League zhvilloi ndeshjet e fundit në grup, skuadrat e kualifikuara në 1/8 dhe ato në play-off! Sot shorti
20 Dhjetor, 09:19 -
Rikthehet Superliga Evropiane, UEFA dhe FIFA vihen në dijeni! Do quhet 'Unify League', detajet e kompeticionit
17 Dhjetor, 15:43 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Tentuan të djegin flamurin shqiptar, UEFA gjobit Serbinë me 200 mijë € dhe e dënon me 2 ndeshja pa tifozë në transfertë
13 Dhjetor, 17:32 -
Bashkorganizimi i Euro 27 mes Shqipërisë dhe Serbisë, UEFA mblidhet të hënën për 'dritën jeshile'
13 Dhjetor, 16:04 -
E PLOTË/ Short 'ferri' për kualifikueset e Kupës së Botës 2026, Shqipëria me Anglinë dhe Serbinë në Grupin K! Kosova në Grupin B me Zvicrën, të gjitha grupet
13 Dhjetor, 12:00 -
Nesër shorti, Kombëtarja njeh kundërshtarët e kualifikueseve për Kupën e Botës 2026! Rrezikohet grupi me Serbinë
12 Dhjetor, 10:41 -
Tifozët fusin në telashe FSHF-në, UEFA gjobë 27.750 euro
12 Dhjetor, 09:24 -
Juventus - Man. City dhe Dortmund - Barcelona, Champions League premton spektakël në mbrëmje! Milan dhe Arsenal në shtëpi
11 Dhjetor, 09:47
Nuk kuptoj pse duhet denuar FSHF apo dhe tjeret.Nese Daku ka shkelur rregullat me patriotizma kote per popullaritet,gjobitet ose perjashtohet nga europiani dhe mbyllet ceshtja.Shum zhurme per asgje,
PërgjigjuShyqyr qe kemi ndeshjet e kombetares per t'u kujtuar qe jemi patriote, pa lidhje, para se te jemi qytetare
PërgjigjuFusni more Brojen qe vjen nga kampionati britanik shikoni Strakosha kane super stervitje mos u merrni me futbollist akoma me loje me domino! Broja duhet ai eshte sportist qe do ti fus gol spanjes
PërgjigjuPo po Broja. Se kot po ngroh stolin dhe ne angli sepse eshte lojtar i klasit te lart. Sejcili nga kta djem ka meriten e vete. Dhe ne fund ta mbyllim me nje thenie. VUCICU PEDERU!