POP 5

Lajmet më të lexuara të 5 minutave të fundit

Kultura

‘Tingujt e kujtesës’, koncert klasik në Mirditë! Përkujtohen viktimat e komunizmit, 51-vjetori i revoltës së Spaçit

Në Mirditë u mbajt Koncerti Memorial "Tingujt e Kujtesës" në përkujtim të 51-vjetorit të Revoltës së Spaçit me pjesmarrjen e artistëve të ‘Musica Nova Quartet’. Koncerti klasik erdhi si homazh për artistët e përndjekur, poetët dhe viktimat e diktaturës.

“Muzika është si e vërteta, të bën të lirë”!  Me këtë motiv nën tingujt e muzikës klasike u përkujtuan të gjithë ata që luftuan për lirinë gjatë diktaturës komuniste. Koncertit memorial “Tingujt e kujtesës” u mbajt në Pallatin e Kulturës Rrëshen, në përkujtim të 51-vjetorit të Revoltës së Spaçit, organizuar nga Fondacionet “Kujto” dhe “Konrad Adenauer” në bashkëpunim me Bashkinë e Mirditës. Koncerti erdhi si homazh për artistët e përndjekur, poetët dhe viktimat e diktaturës komuniste.

Pjesët e zgjedhura muzikore u interpretuan nga artistët e “Musica Nova Quartet” nën drejtimin e dirigjentit Harlen Nikolli, solistes nga Kosova, Anita Kërhani dhe ish- të dënuarit politik, Tomi Kondakçi.

Këtë vit, kur shënohet 75-vjetori i masakrës së Qafës së Valmirit, u nderuan dhe kujtimi i 14 mirditorëve të ekzekutuar pa faj në atë masakër.  Po ashtu përmes një kënge të dedikuar asaj u nderua Marie Tuci, gruaja e vetme mes 38 martirëve të Kishës Katolike të Shqipërisë.

Drejtori i fondacionit Konrad-Adenauer- Stiftung Albania, dr.Thomas Kunze foli mbi rëndësinë që ka kujtesa e së shkuarës nëpërmjet aktiviteteve të tilla dhe përcjelljen tek brezin i ri të vërtetën e regjimeve totalitare në mënyrë që ato të mos përsëriten.

Ndërsa Kryetari i Bashkisë Mirditë Albert Mëlyshi apeloi që burgu i Spaçit të kthehet në muze dhe ky muze duhet të bëhet në vendin e vuajtjes së dënimit të mijëra të burgosurve politikës të kohës.

 

 

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Mbrojtësi i Kombëtares 90 minuta në fushë, ekipi i tij mposht Ajaxin në Europa League

Mbrojtësi i Kombëtares 90 minuta në fushë, ekipi i tij mposht Ajaxin në Europa League

24 Janar, 09:35