Me çapat e ngadaltë, e të kuqërremtën e flokëve që i nënvizon shkëlqimin në sy, buzëqesh Tinka Kurti sot mes miqsh.
Ky mëngjes e gjen të në të nëntëdhjetat, e ajo rroket mes përqafimeve të kolegëve. Në Ministrinë e Kulturës, festohet këtë të shtunë datëlindja e ikonës së teatrit e kinematografisë...
Afro 75 vjet gjurmë të arta skenike. E nisi me regjistrimin në liceun artistik, si nxënësja e parë vajzë, daljet në teatrin “Migjeni” e mandej tek “Tana”, i pari film i gjatë artistik shqiptar. Mandej shkëlqeu në rolet heroike, figurën dramatike të nënës, e dhjetra personazhe të tjerë, që u veshi portretin, zërin, interpretimin e saj.
Ka thyer tabu Tinka Kurti artiste e sot tek rreket në të shkuarën e saj, i shpreh mirënjohjen të dashurit të saj të zemrës, muzikantit Palokë Kurti që i qëndroi pranë në këtë rrugëtim.
Dashuritë e saj të mëdha janë tanimë përtej kësaj bote, i japin forcë aktores përmes frymës së dashurisë, e këtu qëndron kokëfortë arti i saj, që ende çel fryte të reja. “Vdekja le të presë” është filmi më i fundit, që e rikthen aktoren në sheshin e xhirimit.
Presidenti, Bajram Begaj ka uruar aktoren e mirënjohur Tinka Kurti për 90 vjetorin e saj. Nëpërmjet një shkrimi në facebook, Begaj shkruan se Tinka Kurti e cila është e dekoruar edhe me titujt ‘Nderi i Kombit’ dhe ‘Artistja e Popullit’, është shembulli i frymëzimit për shqiptarët.
“Njerëzit e mëdhenj, e ndër ta edhe artistët padyshim, janë jo vetëm krenaria e një kombi, por edhe modelet apo shembujt e frymëzimit me të cilët një popull identifikohet. E tillë është edhe “Artistja e Popullit”, “Nderi i Kombit” Tinka Kurti, e cila na vjen sot në 90-vjetorin e lindjes me madhështinë e veprës së saj dedikuar popullit dhe kombit tonë, me fisnikërinë e zonjës së madhe të teatrit dhe filmit shqiptar.
Përzemërsisht gëzuar Tinka Kurti! Faleminderit për gjithçka i ke dhënë dhe i jep popullit që të do, që të nderon dhe që ndjehet krenar me emrin dhe veprën tënde!”-shkruan Begaj.
Kryetari i Bashkisë së Tiranës Erion Veliaj ka uruar aktoren e njohur Tinka Kurti për ditëlindje.
“Urime 90 vjetorin e dashura Tinka Kurti! I lumtur që e ndajmë bashkë ditëlindjen në çdo 17 dhjetor. Jetë e shëndet paç! “, shkruan Veliaj.
Kujtojmë që po sot edhe Veliaj feston 42-vjetorin e lindjes.
Komente
Lajme të tjera
-
Masterclass nga regjisori i njohur Mike Figgis, Shqipëria pret Javën Kulturore Britanike nga datat 16 deri më 22 shtator
15 Shtator, 12:39 -
Arta Nitaj në pritje të ëmbël, shfaqet me barkun e rrumbullakosur
29 Gusht, 15:49 -
Vanessa Hudgens, nënë për herë të parë
4 Korrik, 16:25 -
E shpallën të vdekur! Reagon Adriana Matoshi: Ka shumë njerëz që ma duan vdekjen
9 Maj, 10:37 -
Aktori turk blen shkollën dhe e shkatërron, hakmerret ndaj mësuesve që e keqtrajtonin
5 Maj, 15:10 -
Nis sot Festivali Ndërkombëtar i Akuarelit, Tirana mbledh piktorë nga e gjithë bota
2 Maj, 12:46 -
Shembet shtëpia 300 vjeçare e Zekajve, një monument më pak në Lezhë! Zefi: Ministria e Kulturës nuk dha fonde për restaurim
13 Shkurt, 16:40
-
Ndryshimet në qeveri, Zhupa në Report Tv: U shkri Ministria e Kulturës të jepet me koncesion trashëgimia
9 Janar, 14:31 -
Pensioni i posaçëm/Nga Irini Qirjako te Elida Janushi, 9 artistët që propozoi Ministria në 2023-shin dhe nuk e përfituan! Duni, Kushta e Makri, 3 dosjet që do të dorëzohen!
8 Janar, 13:41 -
Kërkohet një kryetar për Qendrën Kombëtare të Kinematografisë! 10 vjet punë në art e kulturë, nga kriteret e domosdoshme
5 Janar, 20:50 -
Vendimi/ Ndryshimet për Ligjin e Librit! Promovim dhe jashtë territorit, lehtësira për personat me aftësi ndryshe! Qendra e Librit rrit ndikimin, Biblioteka nga 5 mban 3 kopje të botimeve
29 Dhjetor 2023, 22:41 -
U shpall Kryevlerë Kombëtare/ Historia e valles devollite, pasurisë së çmuar të Trashëgimisë Kulturore Jomateriale
28 Dhjetor 2023, 16:57
Zonjë e rëndë jeni zoti ju ka bekuar edhe ???? ju uroj nga zemra shëndet dhe vetëm shëndet ju keni dhënë aq shumë për ???????? saqë zoti do jua shpërblej ????????????????
Përgjigju