POP 5

Lajmet më të lexuara të 5 minutave të fundit

Kultura

Datëlindja e 90-të, Tinka Kurti mes miqsh: Drejt teatrit më çoi muzika, tim shoq e pata në krah! Xhirimet e fundit me Reshat Arbanën më gëzojnë

Mes pëqafimeve të miqve dhe artistëve, aktorja Tinka Kurti rroku datëlindjen e 90-të. Tana e rolit që theu tabutë për shqiptarët rrëfen për Report tv se bashkëshorti i ndjerë i saj ishte mbështetja më e madhe gjatë karrierës. Por ‘Vdekja le të presë’ është filmi që rikthen artisten e madhe në shesh xhirim.

Me çapat e ngadaltë, e të kuqërremtën e flokëve që i nënvizon shkëlqimin në sy, buzëqesh Tinka Kurti sot mes miqsh.

Ky mëngjes e gjen të në të nëntëdhjetat, e ajo rroket mes përqafimeve të kolegëve. Në Ministrinë e Kulturës, festohet këtë të shtunë datëlindja e ikonës së teatrit e kinematografisë...

Afro 75 vjet gjurmë të arta skenike. E nisi me regjistrimin në liceun artistik, si nxënësja e parë vajzë, daljet në teatrin “Migjeni” e mandej tek “Tana”, i pari film i gjatë artistik shqiptar. Mandej shkëlqeu në rolet heroike, figurën dramatike të nënës, e dhjetra personazhe të tjerë, që u veshi portretin, zërin, interpretimin e saj.

Ka thyer tabu Tinka Kurti artiste e sot tek rreket në të shkuarën e saj, i shpreh mirënjohjen të dashurit të saj të zemrës, muzikantit Palokë Kurti që i qëndroi pranë në këtë rrugëtim.

Dashuritë e saj të mëdha janë tanimë përtej kësaj bote, i japin forcë aktores përmes frymës së dashurisë,  e këtu qëndron kokëfortë arti i saj, që ende çel fryte të reja. “Vdekja le të presë” është filmi më i fundit, që e rikthen aktoren në sheshin e xhirimit.

Rendit zhvillimet sipas orarit:
Ora 16:59
Presidenti, Begaj uron aktoren Tinka Kurti për 90 vjetorin e lindjes: Shembull frymëzimi me të cilën identifikohet populli shqiptar

Presidenti, Bajram Begaj ka uruar aktoren e mirënjohur Tinka Kurti për 90 vjetorin e saj. Nëpërmjet një shkrimi në facebook, Begaj shkruan se Tinka Kurti e cila është e dekoruar edhe me titujt ‘Nderi i Kombit’ dhe ‘Artistja e Popullit’, është shembulli i frymëzimit për shqiptarët.

“Njerëzit e mëdhenj, e ndër ta edhe artistët padyshim, janë jo vetëm krenaria e një kombi, por edhe modelet apo shembujt e frymëzimit me të cilët një popull identifikohet. E tillë është edhe “Artistja e Popullit”, “Nderi i Kombit” Tinka Kurti, e cila na vjen sot në 90-vjetorin e lindjes me madhështinë e veprës së saj dedikuar popullit dhe kombit tonë, me fisnikërinë e zonjës së madhe të teatrit dhe filmit shqiptar.

Përzemërsisht gëzuar Tinka Kurti! Faleminderit për gjithçka i ke dhënë dhe i jep popullit që të do, që të nderon dhe që ndjehet krenar me emrin dhe veprën tënde!”-shkruan Begaj.

B.V/Shqiptarja.com

Ora 16:33
Tinka Kurti 90 vjeç, Veliaj i uron datëlindjen aktores

1671291225_vv.JPG

Kryetari i Bashkisë së Tiranës Erion Veliaj ka uruar aktoren e njohur Tinka Kurti për ditëlindje.

“Urime 90 vjetorin e dashura Tinka Kurti! I lumtur që e ndajmë bashkë ditëlindjen në çdo 17 dhjetor. Jetë e shëndet paç! “, shkruan Veliaj.

Kujtojmë që po sot edhe Veliaj feston 42-vjetorin e lindjes.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besnik Hasanaj: 17/12/2022 18:41

    Zonjë e rëndë jeni zoti ju ka bekuar edhe ???? ju uroj nga zemra shëndet dhe vetëm shëndet ju keni dhënë aq shumë për ???????? saqë zoti do jua shpërblej ????????????????

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Guardiola kërkon Donnarumman te Manchester City

Guardiola kërkon Donnarumman te Manchester City

22 Korrik, 20:08