Receta

Tiramisù si në pastiçeri, bëje vetë në shtëpi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Prill 2023, 12:05 | Përditesimi: 21 Prill 2023, 12:07

Tiramisù

Përbërësit:

1 kokërr vezë
2 të verdha veze
6 lugë sheqer
250 gr maskarpone
4 filxhan me kafe të ftohtë
200 gr biskota savoiardi
1 lugë kakao

Përgatitja:

LEXO EDHE:
Pulë me oriz në furrë nga zonja Albana

Për të përgatitur tiramisù fillojmë duke ndarë të verdhat e vezëve. Në një tas bashkojmë tre të verdhat e vezëve me sheqerin dhe maskarponen. Të bardhën e një veze e rrahim sa të bëhet një shkumë kompakte. Ndërkohë në një enë tjetër përziejmë të verdhat e vezëve me sheqerin dhe maskarponen sa të formohet një masë kremoze dhe homogjene.

Me ndihmën e një luge druri bashkojmë kremin me të bardhën e vezës. Në një pjatë hedhim kafen e ftohtë dhe lagim biskotat savoiardi. Biskotat e lagura i vendosim në tavë duke formuar shtresën e parë me biskota.

Mbi biskotat hedhim gjysmën e kremit me maskarpone dhe e nivelojmë. Shtojmë mbi kremin një shtresë tjetër me biskota savoiardi të lagura me kafe. Mbi to shtojmë kremin e mbetur.

Në fund me ndihmën e një site hedhim kakaon mbi shtresën e kremit. Përpara se ta shërbejmë duhet ta vendosim të paktën një orë në frigorifer.

MC/Shqiptarja.com

TAG: