TIRANË - Dhuna në familje për pak sa nuk ka shënuar viktimën e radhës. Një 19-vjeçare e cila bashkëjetonte me një 34-vjeçar nuk ka mundur t'i rezistojë dhunës fizike dhe psikologjike të tij duke tentuar vetëvrasjen.

Por fatmirësisht ngjarja e rëndë është parandaluar dhe bashkëjetuesi i saj Artan Zylo përfundoi në prangat e Policisë.

Sipas të resë 19-vjeçare me inicialet M.P, bashkëjetuesi i saj e ka dhunuar fizikisht duke e gjuajtur me grushte në kokë dhe trup dhe duke e kërcënuar me jetë.
 
Ndërkohë, po në Tiranë, një 29-vjeçare kërkoi urdhër mbrojtje pasi vjehrra e saj 66-vjeçare ushtronte sistematikisht dhunë psikologjike dhe fizike ndaj saj. 

Redaksia Online
(Gre.M/Shqiptarja.com)