POP 5

Lajmet më të lexuara të 5 minutave të fundit

Politikë

Tirana i dëboi dy spiunët, Rusia përgatit “pushtimin” e butë të Shqipërisë

Goditjes diplomatike me “kërbaç” të Tiranës, Rusia i është përgjigjur me “kulaç”. SHISH-i dhe SHIU duket se do të kenë goxha punë këtë verë
Tirana i dëboi dy spiunët, Rusia përgatit “pushtimin” e butë të Shqipërisë

Majtas një avion civil rus; në qendër Ksamili, djathtas Kremlini në Moskë

Pas vendimit të djeshëm të Tiranës zyrtare për të dëbuar nga vendi ynë dy spiunë rusë, të mbuluar nën petkun diplomatik, në vazhdën e një nisme të njëjtë të ndërmarrë dhe nga rreth 25 shtete të tjera nëpër botë, ambasada e Moskës në Tiranë, po përpiqet që ta marrë gjithsesi me të mira qeverinë e Edi Ramës.

Në fakt, në faqen e kësaj ambasade në Facebook, sot i është bërë jehonë hyrjes në fuqi të një vendimi të këshillit shqiptar të ministrave, që bën të mundur udhëtimin e shtetasve rusë pa viza drejt Shqipërisë nga 1 prilli, deri më 31 tetor 2018.

Në këtë mënyrë, goditjes diplomatike me “kërbaç” të Tiranës, Rusia i është përgjigjur me “kulaç”, aq sa shoqëruar me këtë postim të sajin në shqip dhe rusisht, ajo ka përzgjedhur të promovojë me kujdes edhe mjaft peizazhe tërheqëse turistike shqiptare.

Një ditë më parë, zv. ambasadori rus në Tiranë, e kishte komentuar thuajse me keqardhje qëndrimin e Shqipërisë.

Në fakt, Dimitry Kazmin u shpreh për Report TV se ky vendim bie ndesh me përpjekjet e Rusisë për përmirësimin dhe intensifikimin e marrëdhënieve dypalëshe.

Megjithatë, pavarësisht dëbimit të dy spiunëve, tashmë duket se Rusia po përgatit një “pushtim” të butë me ardhjen e pritshme të mijëra turistëve rusë, duke ngritur edhe ndonjë shqetësim të mundshëm, se mes tyre mund të ketë pse jo, më shumë se dy spiunë.

SHISH-i dhe SHIU duket se do të kenë goxha punë këtë verë. 

Statusi i ambasadës ruse në Tiranë në Facebook:

Hyn në fuqi VKM për heqjen e vizave për shtetasit rusë
Sot, më 27 mars, pas botimit në Fletoren Zyrtare ka hyrë në fuqi Vendimi i Këshillit të Ministrave të Shqipërisë Nr. 158, datë 21 mars 2018, për heqjen e vizave për shtetasit e disa vendeve, përfshirë edhe Rusinë, për periudhën 1 prill – 31 tetor 2018.
 

Postimi i ambasadës ruse në Facebook 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Komunisti Berishe: 28/03/2018 18:12

    Tavarish Putin. Rrnofte Bashkimi Sovjetik. Rrnofte miqesia Ruso-shqiptare

    Përgjigju
  • Lab: 28/03/2018 17:01

    Ju ne malsi sjeni mbajtur ndonjeher per filozofa ose njerez me iq te larte.

    Përgjigju
  • Emigrant usa: 28/03/2018 01:02

    Keto idjotizma politike na kujtojne luften kunder revizionizmit sovjetik shqiperija Po paguan shtrenjte NEGOCIATAT . ZHVILLIM I i turizmit ne shqiperi qe nuk ka asnje lloj prodhimi eshte me interes per nje I popull ekstrem te varfer pervec KRIMINELEVE politikane qe pasurrohen dita dites Ky popull po bije viktime e politikes shterpe te ed Rames PER MENDIMIN TIM BIZNESI DUHET TE JETE E PARA PASTAJ TE TJERAT MJAFT ME ME KETO LLOJE LUFTRASH TE HESHTURA JEMI TE LODHUR KREFI BISHTIN NJE PALE DHE BEJU ARMIK ME NJE PALE TJETER NE KURRIZIN TE POPULLIT

    Përgjigju
    • Marku: 28/03/2018 09:58

      Na në malsi kena një shprehje," ma mir me dek me zatnin se sa me jetu me horin"

  • Arditi: 27/03/2018 23:06

    Rusia po zbaton proverbin popullor shqiptar ju me gure ne me buke, buka e mund gurin.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes!

Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes!

26 Dhjetor, 16:23 nga Armand Xhelili