Afrimi i bujshëm i Tiranës në merkaton e janarit, Kristal Abazaj ka pësuar një dëmtim të rëndë dhe pritet që të jetë jashtë fushave të lojës për të paktën një muaj.
Tropojani ka alarmuar bardheblutë në ditën e fundit të afatit kalimtar dimëror, teksa ka udhëtuar drejt Kroacisë për një mjekim më të specializuar. Sipas Supersport, sulmuesi anësor ka carë meniskun e njërit gju dhe rikuperimi kërkon kohë. I prezantuar vetëm disa ditë më parë, Abazaj ka luajtur në dy nga duelet e Superligës.
Përballja e fundit me Kukësin në transfertë (2-0) ka qenë jo e duhura për Abazajn, me sulmuesin që u dëmtua. Bardheblutë firmosën për një vit e gjysmë me sulmuesin, që tanimë do jetë jashtë për të paktën një muaj. Kujtojmë se Abazaj ishte rikuperuar kohët e fundit nga një dëmtim me ish-skuadrën, Istanbulspor në Turqi.
![](https://shqiptarja.com/template/img/NO_ALFA_Kuadrate shqiptarja.png)
Kristal Abazaj
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)