TIRANË- Një 21- vjeçar i cili ishte në kërkim, është arrestuar nga policia pasi akuzohet për vjedhje të biçikletave.
 
Mësohet se në pranga ka rënë Drilon Lila, 21 vjeç, banues në Tiranë, i dënuar më parë për vjedhje.
 
Siç mund ta shikoni dhe në video, 21- vjeçari pasi pikaste një biçikletë, e grabiste atë duke u sjellë sikur ishte e tij. Në këtë rast, biçikletar nuk ishte e lidhur me kavo, dhe mendohet se në këtë mënyrë ka vjedhur edhe biçikleta të tjera. 

Në bazë të hetimeve, Lila rezulton se ka vjedhur 10 biçikleta në kryeqytet. Vetë ai ka pranuar në polici se është autor i këtyre vjedhjeve, për të cilat dyshohet se i shiste më pas në tregun e zi.

Ndërkohë më herët, Report Tv ka bërë një kronikë ku ka denoncuar këtë problematikë, e cila është kthyer si një trend në kryeqytet.

Pavarësisht se shpesh përdoruesit e biçikletave i ruajnë ato me kavo të ndryshme grabitësit e kanë shumë të thjeshtë ti shkëpusin këto dhe më pas të vjedhin biçikletën.

[gallery]22506[/gallery]

Vjedhjet e dokumentuara nga  Policia të Drilon Lilës
1. Më datë 18.04.2017, në rrugën “Abdyl Frashëri”, ka vjedhur biçikletën e shtetasit A. T.
 
2. Më datë 15.04.2017, në rrugën “Sulejman Delvina”, ka vjedhur biçikletën e shtetasit F. M.
 
3. Më datë 21.04.2017, në rrugën e “Kavajës”, ka vjedhur biçikletën e shtetasit B. D.
 
4. Më datë 18.05.2017, në rrugën “Sulejman Delvina”, ka vjedhur biçikletën e shtetases K. K.
 
5. Më datë 22.04.2017, në rrugën “Sulejman Delvina”, ka vjedhur biçikletën e shtetasit A. D.
 
6. Më datë 24.04.2017, në rrugën “Marko Boçari”, ka vjedhur biçikletën e shtetasit E. A.
 
7. Më datë 25.04.2017, në rrugën “Medar Shtylla”, ka vjedhur biçikletën e shtetasit O. Th.
 
8. Më datë 08.05.2017, në rrugën “Abdyl Frashëri”, ka vjedhur biçikletën e shtetasit O. Z.
 
9. Më datë 21.05.2017, në rrugën e “Kavajës”, ka vjedhur biçikletën shtetasit E. Q.
 
10. Më datë 28.05.2017, në rrugën e “Ibrahim Rugova”, ka vjedhur biçikletën shtetasit P. A.

Redaksia Online
(B.K/Shqiptarja.com)