POP 5

Lajmet më të lexuara të 5 minutave të fundit

Politikë

Tiranë/ 14 vite nga vrasjet e 21 janarit! Familjarët: Ekzekutorët e krimit shtetëror s'janë dënuar ende! Lule dhe në bulevardin 'Dëshmorët e Kombit'

Kur kanë kaluar 14 vite familjarët e Ziver Veizit, Aleks Nikës, Hekuran Dedës dhe Faik Myrtajt ende nuk kanë marrë drejtësi. Familjarët e Ziver Veizit: Nuk kërkojmë gjë tjetër, veçse nga SPAK të zbatojë vendimin e Gjykatës së Strasburgut dhe të vihet drejtësia në vend. Homazhe në bulevardin "Dëshmorët e Kombit' 

TIRANË - Kur kanë kaluar 14 vite nga vrasjet shtetërore të 21 janarit 2011 në bulevard familjarët e Ziver Veizit, Aleks Nikës, Hekuran Dedës dhe Faik Myrtajt nde nuk kanë marrë drejtësi.

“ Ka 14 vjet që ka ndodhur ajo vrasje tragjike. Ku të gjithë ekzekutorët e atij krimi shtetëror nuk janë dënuar”  thotë mbesa e Ziver Veizit.

Homazhe u mbajtën sot në Bulevardin “Dëshmorët e Kombit”. Së bashku me familjarët e të ndjerëve lule ku u vranë 4 dëshmorët u vendosën edhe nga përfaqësues të qeverisë dhe Partisë Socialiste, e cila në atë kohë ishte në opozitë.

Homazhe familjarët u mbajtën dhe pranë varrit të Ziver Veizit në fshatin Zenelaj të Gjirokastrës.

Nuk kërkojmë gjë tjetër, veçse nga organet kompetente, nga SPAK të zbatojë vendimin e Gjykatës së Strasburgut, dhe të vihet drejtësi sa më shpejt për 4 viktimat e 21 janarit', shprehet për mediat mbesa e Ziver Veizit.

Drejtësi kërkojnë edhe ata që kanë qenë atje në atë protestë.

U vranë shokët tanë, Aleks Nika, Hekuran Deda, Faik Myrtaj dhe Ziver Veizi. 4 dëshmorë.  Shumë të tjerë u plagosën. Jemi të shqetësuar se paqja nuk ka gjetur vendin e vet’ thotë Shkëlqim Guçe

Sot bëhen 14 vite nga vrasja e katër protestuesve, të cilët atë kohë protestonin para Kryeministrisë, më 21 Janar të 2011-ës kur Partia Socialiste ishte në opozitë ndërsa PD-ja dhe LSI-ja qeverisnin së bashku dhe kryeministër atëherë ishte Sali Berisha, ndërkohë Lulzim Basha ishte ministër i Brendshëm.
SPAK ka në dorë dosjen dhe vijon hetimet por ende urdhëruesit dhe ekzekutorët nuk janë vënë para drejtësisë. 

Rendit zhvillimet sipas orarit:
Ora 10:41
14 vite nga 21 janari, homazhe për Ziver Veizin, mbesa: Nuk gjejmë qetësi derisa të vendoset drejtësia! Protestuesi Shkëlqim Guçe: Dolëm kundër korrupsionit atë ditë dhe u përgjak

 

14 vite pas ngjarjes së 21 janarit ku humbën jetën 4 protestues, ende edhe sot familjarët e Ziver Veizit kërkojnë vendosjen e drejtësisë ndaj personave që shkaktuan këtë ngjarje të rëndë.

'Jemi mbledhur sot për të përkujtuar xhaxhain tonë. Ne nuk gjejmë qetësi derisa drejtësia të vendoset në vend. Ka 14 vjet që ka ndodhur ajo vrasje tragjike. Ku të gjithë ekzekutorët e atij krimi shtetëror nuk janë dënuar. Nuk kërkojmë gjë tjetër, veçse nga organet kompetente, nga SPAK të zbatojë vendimin e Gjykatës së Strasburgut, të Gjykatës së Lartë dhe të vihet drejtësi sa më shpejt për 4 viktimat e 21 janarit', shprehet për mediat mbesa e Ziver Veizit.

Në ceremoninë përkujtimore që u zhvillua në varrezat e fshatit Zenelaj, të pranishëm ishin përfaqësues të pushtetit vendor, familjarë dhe miq të të ndjerit.

'21 janari, shteti i asaj kohe e ktheu në luftë kundër popullit të tij. Ne ishim shumë në atë kohë duke protestuar kundër korrupsionit, kontrabandën, drejtësinë. Kishim kohë, por ajo ditë u përgjak dhe si të tillë u kthye mangët. U vranë shokët tanë, Aleks Nika, Hekuran Deda, Faik Myrtaj dhe Ziver Veizi. 4 dëshmorë. Shumë të tjerë u plagosën. Jemi të shqetësuar se paqja nuk ka gjetur vendin e vet. Do vazhdojmë ti përkujtojmë edhe kur të jetë vënë e drejta. Qofshin të paharruar shokët tanë të asaj dite', thotë Shkëlqim Guçe, një nga protestuesit e asaj kohe.

G.K/Shqiptarja.com

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qifi: 21/01/2025 11:38

    Pa merak se do e gjeni. Lidhuni me Taulant pallen mbase e di ai

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

21 Janar, 14:54