Një konflikt për bllokimin e rrugës për pak sa nuk ka përfunduar me viktima në Tiranë. Stelio Ismailati gjatë një konfliktime me Sadam Vatën, ka plagosur rëndë shokun e tij të fundit Brikel Shira në këmbë. Për këtë krim, gjykata e Tiranës ka dënuar pak ditë më parë me 2 vite burg Stelio Ismailatin për akuzën e “Mbajtjes pa lejë të armëve luftarake” dhe “Plagosjes së rëndë nga pakujdesia”. Ndërsa për mikun e tij, Abedin Ismailati,gjykata ka vendosur një dënim prej 3 muaj burg për akuzën e “Kanosjes”.
Sipas prokurorisë së Tiranës, e cila ka menaxhuar dhe hetimin Sadam Vata, në 12 tetor 2018, rreth orës 12:45 ishte duke kaluar në rrugën “Hamdi Pepo” pranë tregut të ushqimeve me kamjonçinën me targa TR914OT. Gjatë kësaj kohe para automjetit të tij ka dalë një automjet i markës “Volksvagen” nga i cili ishte një drejtues automjeti i cili i thoshte të hapte rrugën. Pasi kanë bërë një debat me fjalë drejtuesi i automjetit ka zbritur nga automjeti dhe i ka shkuar pranë derës së automjetit të tij. Pasi kanë bërë një debat drejtuesi i automjetit “Volksvagen” ka hipur në automjetin e tij duke i bërë me shenjë të mbylli gojën.
Drejtuesi i automjetit “Golf”, ka ikur përsëri në drejtim të rrugës që erdhi, ndërsa deklaruesi së bashku me shokun e tij Brikel Shira, kanë ikur në drejtim të Selitës. Gjatë rrugës në kryqëzimin me rrugën “Ilia Dilo Sheperi’, Sadam Vata ka parë automjetin me shoferin e të cilit kishte bërë debat disa minuta më parë, ku në automjet ishte dhe një person tjetër. Në këtë moment ai ka ecur në drejtim të rrugës që të çon në selitë. Kur kanë shkuar në hyrje të rrugës “Qelam Butka”, kanë ndaluar automjetin pasi nuk kishte mundësi për të ecur për shkak se ishte zënë rruga nga një automjet i rastit. Gjatë kësaj kohe në derën e anës së shoferit, në anën e djathtë të saj ka shkuar një person me të cilin pasi ka bërë një debat, ai i ka nxjerrë një armë zjarri nga brezi i pantallonave, ndërsa deklaruesi i ka vënë dorën mbi pistoletë duke ja ulur poshtë. Sadam Vata, shpjegon se në kohën që kishte ulur pistoletën me tytë të drejtuar poshtë, është bërë shkrepja e saj dhe si pasojë është dëmtuar në dorën e djathtë Brikel Shira.
Në këtë moment Sadam Vata ka mundur ti marrë armën e zjarrit të llojit pistoletë dhe fillimisht e ka fshehur në anën e pasme të sediljes së tij. Disa çaste më vonë deklaruesi i ka dhënë pistoletën shtetasit që kishte nxjerr pistoletën dhe në atë moment ka shkuar një punonjës policie,i cili e ka zbritur Steljo Ismailati dhe me pas ky i fundit është larguar duke ikur me vrap. Në hetimet paraprake është marrë deklarim nga Brikel Shira, i cili shpjegon se ishte pasagjer në automjetin kamionçin i cili drejtohej nga shoku i tij Sadam Vata dhe në kohën që kanë kaluar në rrugën “Hamdi Pepo”, pranë tregut, ju kishte zënë rrugën një automjet i tipit “Golf 4” dhe pas një debati që kanë bërë me drejtuesin e automjetit, ai është larguar në drejtim të Selitës. Gjatë rrugës disa metra më larg, në kohën që kanë ndaluar automjetin e tyre, një person i moshës rreth njëzet vjeç, ju ka shkuar në automjet dhe pasi ka hapur derën e automjetit pas një debati ai ka filluar të ushtroj dhunë fizike ndaj tyre dhe gjatë asaj kohe ka nxjerre një armë zjarri pistolete, të cilën ai ja ka kapur dhe e ka ulur poshtë, pranë këmbëve të tij. Në atë moment pistoleta është shkrepur dhe si pasojë ai është dëmtuar në këmbën e djathtë.
Ai shpjegon se në kohën që është shkrepur pistoleta personi që kishte pistoletën është larguar nga automjeti dhe ka shkuar përsëri, pak çaste më vonë duke kërkuar pistoletën deri sa e mori, pasi atë e kishte marrë shoku i tij Sadam Vata. Ai shpjegon se në kohën që personi i pa njohur prej tij ka marrë pistoletën është larguar.
Për qëllimin e hetimit është marrë deklarim nga Klajdi Kurti, i cili ka shpjeguar se është banor i lagjes Selite, dhe gjatë qëndrimit në seli ka dëgjuar disa të bërtitura dhe kur ka shkuar pranë vendit të ngjarjes ka parë një person të plagosur në këmbe dhe një punonjës policie i cili i kishte thënë të çonte në spitalin ushtarak të dëmtuarin, të cilin ai ia ka çuar. Ai shpjegon se nuk dinte asnjë lidhur me konfliktin që kishte ndodhur. Disa orë më vonë pas kësaj ngjarje këtij shtetasi i është rimarrë deklarim pasi ai ka gjetur një bluzë gri me mënga të gjata pranë vendit të ngjarjes dhe e kishte hedhur në disa kartona mbeturinash pranë dyqanit të tij, ku është edhe vendi i ngjarjes.
Lajme të tjera
-
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14 -
Pastruan 11 mln euro përmes kompanive fiktive, i sillnin nga parajsat fiskale, Gjykata cakton 'arrest në burg' për Darin Gezdarin dhe 'arrest shtëpie' Arlinda Markut
23 Dhjetor, 09:48
-
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
Vlorë/ Atentati ndaj Kevin Hajrullës, po kalonte rastësisht, flet i plagosuri tjetër: U shtriva përtokë, mendova se ishin fishekzjarre
20 Dhjetor, 15:30
-
Tiranë/ Goditi me grusht punonjësin e Policisë, arrestohet 23 vjeçari
19 Dhjetor, 14:41 -
Tiranë/ Shpërndanin ekstazi në ish-Bllok dhe kthyen portalin në 'shtëpi bari', Gjykata lë në burg 4 gazetarët e portalit 'Publik.al' të Naim Nokës
19 Dhjetor, 13:37 -
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Trafik armësh Kosovë-Shqipëri/ Gjykata e Tiranës lë në burg 5 të arrestuarit, ata mohojnë akuzën
14 Dhjetor, 11:08
-
I dënuar për vrasjen e 4 policëve në 1997, izolohet në 41-Bis Fran Marashi
13 Dhjetor, 15:07 -
Tiranë/ Grabitje, mashtrim, aksident me vdekje dhe dhunë në familje, 10 të arrestuar në 24 orë
12 Dhjetor, 16:30
